తొందరపడకండి అంటున్న మారుతీ

ఆరు డిజాస్టర్ల తర్వాత చిత్రలహరితో కొంచెం రిలీఫ్ ఫీలవుతున్న సాయి తేజ్ కొత్త సినిమా కోసం రెడీ అవుతున్నాడు. మారుతీ దర్శకత్వంలో రూపొందబోయే ఈ మూవీకి సంబంధించిన అధికారిక ప్రకటన ఇంకా రాలేదు. అయితే ఈ లోగానే దీని గురించి రకరకాల వార్తలు ప్రచారంలోకి వచ్చేశాయి. హీరొయిన్ గా మాళవిక శర్మ ఓకే అయ్యిందని కాస్త గట్టిగానే వినిపించింది. మారుతీ దీనికి స్పందిస్తూ ఏదైనా నిర్మాతల నుంచి అఫీషియల్ నోట్ వచ్చే దాకా నమ్మకండని పూర్తి వివరాలు త్వరలోనే తెలుస్తాయని కాస్త అసహనంగానే అన్నాడు.

అంటే మాళవిక శర్మను తీసుకోవడం వట్టి పుకారు అని చెప్పినట్టే. అఫీషియల్ న్యూస్ వచ్చే దాకా ఏది నమ్మడానికి లేదు కాని హీరొయిన్ సెలక్షన్ లో జాగ్రత్తగా వ్యవహరించే మారుతీ ఇందులో తొందరపడతాడని అనుకోలేం. కాబట్టి నేల టికెట్ ఫేం మాళవిక శర్మ సాయి తేజ్ తో చేయబోతోందన్న న్యూస్ లో పస లేనట్టే. మరికొద్ది రోజుల్లో ప్రకటన వెలువడ్డాక పూర్తి స్పష్టత వస్తుంది.

చిత్రలహరి సక్సెస్ అనిపించుకున్నా సాయి తేజ్ గతంలో సాధించిన పాతిక కోట్ల మార్కెట్ రేంజ్ లో ఆడలేదు. అందులో సగం మాత్రమే ఇవ్వగలిగింది. బిజినెస్ రీజనబుల్ డీల్స్ కి జరగడంతో బయ్యర్లు లాభపడ్డారు. దీన్ని స్ఫూర్తిగా తీసుకుని తన ఇమేజ్ ని మళ్ళి వెనక్కు తెచ్చే ప్రయత్నంలో సాయి తేజ్ కథలను జాగ్రత్తగా ఎంచుకున్తున్నాడు. అటు మారుతీ సైతం శైలజారెడ్డి అల్లుడు ఫలితం తర్వాత టైం తీసుకుని మరీ ఈ స్క్రిప్ట్ మీద వర్క్ చేస్తున్నాడు. ఇప్పుడీ హీరొయిన్ ప్రచారం వల్ల మారుతీ ఓపెన్ అయ్యాడు కాని పూర్తి వివరాలు ఇంకొద్ది రోజుల్లో తెలిసే అవకాశం ఉంది