మారుతి ఇక‌నైనా బ‌న్నీకి స్క్రిప్టు చెప్పి లాక్ చేస్తాడా?

ఇంట్లో ఖాళీగా ఉంటే బ‌న్ని ఇంతేనా? ఎవ‌రో ఒక‌రి‌కి ఏదో ఒక కానుక పంచుతూనే ఉంటారా? ఏమిటో ఇలా! ఇటీవ‌ల బాగా హార్డ్ వ‌ర్క్ చేసి లుక్ మొత్తం మార్చేశాడు. జూబ్లీ చెక్ పోస్ట్ ద‌గ్గ‌ర ఇంటికి స‌మీపంలో ర‌న్నింగ్ ప్రాక్టీస్ చేసాడు. కేబీఆర్ పార్క్ ప‌రిస‌రాల్లో జాగింగ్ చేసి ఇంట్లోనే వ‌ర్క‌వుట్లు చేస్తూ నిరంత‌రం స్లిమ్ లుక్ కోసం ప‌డిన శ్ర‌మ అంతా ఇంతా కాదు. బ‌న్ని హార్డ్ వ‌ర్క్ ఫ‌లించి రూపం పూర్తిగా మారిపోయింది.

మ‌రోవైపు బ‌న్ని గిర‌జాల జుత్తు పెంచ‌డం కూడా ర‌క‌ర‌కాల సందేహాల‌కు తావిచ్చింది. పుష్ప‌లో సుక్కు అత‌డిని ఇలానే చూపిస్తున్నాడా? ఆర్య 2 లో ఒక లుక్ ని ఇక్క‌డ వాడేస్తున్నాడా? అంటూ సందిగ్ధ‌త వ్య‌క్త‌మైంది. ఇక ఈ రెండ్రోజులుగా బ‌న్ని త‌న హెయిర్ కి ఇదిగో ఇలా హెయిర్ మాస్క్ వేసేశాడు. త‌న హెయిర్ స‌హా లుక్ ఎలా ఉంటుందో దాచేస్తున్నాడు.

అదంతా స‌రే కానీ.. త‌న‌తో పాటే అక్క‌డ త‌న మిత్రుడు కం యానిమేష‌న్ ట్రెయిన‌ర్ మారుతి క‌నిపించాడేమిటి? క‌థ ఏదైనా వినిపిస్తున్నాడా? లేక ఇంకేదైనానా? అయినా బ‌న్ని స్వ‌యంగా త‌న చేతుల‌తో మారుతికి ఏదో గిఫ్ట్ ఇస్తున్నాడేమిటి? అస‌లు బ‌న్నీ లాంటి స్టార్ హీరోతో సినిమా చేసేందుకు మారుతీనే ఎందుక‌నో చాలా కాలంగా త‌డ‌బ‌డుతున్నాడు. బ‌న్ని ఆఫ‌ర్ చేసినా వెయిట్ చేస్తున్నాడు కానీ డేర్ చేయ‌డం లేదు. కానీ ఈసారి లాక్ డౌన్ లో బ‌న్ని కోసం ప‌ర్ఫెక్ట్ స్క్రిప్టు వినిపించి ఉంటాడా? అన్న సందేహం క‌లిగేలా ఇలా ఫోటోలు బ‌య‌ట‌కు వ‌చ్చాయి. త్వ‌ర‌లోనే బ‌న్ని పుష్ప చిత్రీక‌ర‌ణ‌కు వెళ్లేందుకు రెడీ అవుతున్న సంగ‌తి తెలిసిందే. ఈలోగా పూర్తిగా లుక్ ప‌రంగా క‌ఠోరంగా శ్ర‌మిస్తున్నాడు.