ఆ మహానుభావుడు శర్వానందేనా??

స్క్రిప్ట్స్ విషయంలో కేర్ ఫుల్ గా ఉంటూనే వెరైటీ మూవీస్ చేస్తూ ఎక్స్ ప్రెస్ లా దూసుకుపోతున్నాడు హీరో శర్వానంద్. వరస విజయాలతో జోరుమీదున్న శర్వానంద్ కొత్త సినిమాలు ఒప్పుకునే విషయంలోనూ అదే ఉత్సాహం చూపిస్తున్నాడు. దిల్ రాజు నిర్మిస్తోన్న శతమానంభవతి కంప్లీట్ అయిపోవడంతో మరో కొత్త ప్రాజెక్ట్ ని లైన్లో పెట్టాడు శర్వా. త్వరలో డైరెక్టర్ మారుతీ దర్శకత్వంలో నటించనున్నాడు.

శర్వాకి మారుతీ చెప్పిన కథ నచ్చిందని.. త్వరలోనే చిత్ర పూజా కార్యక్రమాలు జరుగుతాయంటున్నారు. ఇప్పటికే మహానుభావుడు అనే పేరును మారుతీ రిజిష్టర్ చేయించడంతో మహానుభావుడు టైటిల్ శర్వానంద్ తో తీస్తోన్న మూవీకే అని ఫిక్సైపోతున్నారు. వీలైనంత త్వరలో సెట్స్ మీదకెళ్లనున్న ఈ మూవీలో క్రిష్ణగాడి వీరప్రేమకథ ఫేమ్ మెహ్రీన్ హీరోయిన్ గా నటించనుంది.

భలే భలే మగాడివోయ్ ఊహించని సక్సెస్ తో టాప్ డైరెక్టర్ రేస్ లో వచ్చినట్టు అనిపించిన మారుతీ.. బాబు బంగారంతో ఆశించినంత సంచలనాలు నమోదు చేయలేకపోయాడు. దీంతో మళ్లీ తనకి అచ్చొచ్చిన చిన్న హీరోలతోనే ట్రై చేస్తున్నట్టు కనిపిస్తున్నాడు. మారుతీ సినిమాల్లో కామెడీ- శర్వానంద్ మినిమం గ్యారంటీ హీరో కాబట్టి వీళ్లిద్దరి కాంబినేషన్లో వచ్చే సినిమా హిట్ కొట్టడం ఖాయమంటున్నారు. లెటజ్ సీ!!