సీక్రెట్ లీక్‌: బన్నితో నో ఛాన్స్‌!!

యంగ్ డైరెక్ట‌ర్ మారుతికి ఛాన్సిస్తాన‌ని స్టార్ హీరో అల్లు అర్జున్‌(బ‌న్ని) స్వ‌యంగా ప్ర‌క‌టించాడు అప్ప‌ట్లో. కానీ ఎందుక‌ని ఆ ప్రాజెక్టు సెట్ట‌వ్వ‌లేదు? కార‌ణ‌మేంటి? అంటే ఇదిగో ఇదే రీజ‌న్‌..

ఇలా ఒక సినిమా చేసి - అలా వెంట‌నే స్టార్ హీరోల‌కు గాలం వేస్తున్న చోటా మోటా ద‌ర్శ‌కులెంద‌రో ఉన్నారు. అలా వెళ్లి పెద్ద డైరెక్ట‌ర్లు అయిన వాళ్లు ఉన్నారు. అయితే స్టార్ హీరోల‌తో ప్ర‌య‌త్నం అంటేనే నేల విడిచి సాము చేయ‌డం అన్న‌ది చాలా కొద్దిమందికే తెలిసిన నిజం. అలాంటి నిజం తెలిసిన‌వాడు కాబ‌ట్టే మారుతి ఎంతో తెలివిగా పావులు క‌దుపుతున్నాడు. ప‌ది మెట్లు ఎక్కిన‌వాడైనా కింద ప‌డిపోవ‌డానికి ఒక్క పాము క‌రిస్తే చాలు - చ‌ద‌రంగంలో కిందికి లాగేయ‌డానికి! అందుకే ప‌ది మెట్లు పైకి ఎక్కిన మారుతి ఇక అక్క‌డి నుంచి దిగాల‌నుకోవ‌డం లేదు. అందుకే అత‌డికి బ‌న్ని లాంటి స్టార్ హీరో ఛాన్సిచ్చినా ఇప్ప‌టికీ ఎందుక‌నో వెన‌కాడుతూనే ఉన్నాడు.

మారుతి స్టార్ హీరోల్ని డైరెక్ట్ చేయ‌క‌పోవ‌డానికి షాకింగ్ కార‌ణం త‌న‌కు తానుగానే లీక్ చేశాడు. అస‌లు తాను ఉన్న చట్రం నుంచి.. తాను గీసుకున్న గీత నుంచి .. ఆ సౌక‌ర్యం నుంచి ఎప్ప‌టికి బ‌య‌టికి రాన‌ని మారుతి చెప్పేశాడు. పెద్ద హీరోల‌ను డైరెక్ట్ చేయాల‌న్న కుతి కూడా లేదు. పైగా స్టార్ హీరోల‌తో ఉండే రిస్క్‌ ని బేర్ చేయ‌డం ఇష్టం లేదు త‌న‌కు. అలానే వ‌రుస‌గా ఒక‌దాని వెంట ఒక‌టిగా చిన్న సినిమాలు తీస్తూ.. త‌న గ్రిప్‌ లో ప్రొడ‌క్ష‌న్‌ ని న‌డ‌ప‌డ‌మే మారుతికి ఇష్టం. సొంత సినిమాలు నిర్మిస్తూ - త‌న డైరెక్ష‌న్‌ కి ప‌దునుపెడుతూ మామూలు హీరోల‌కు ట‌చ్‌లో ఉంటే చాల‌న్న‌ది గేమ్ ప్లాన్‌. ఇలా వ‌చ్చి అలా వెళ్ల‌డం కాదు.. ప‌దేళ్ల పాటు అయినా ప‌రిశ్ర‌మ‌లో ఉండాల‌న్న‌ది మారుతి ప్లాన్‌. అందుకే బ‌న్నీని సీరియ‌స్‌ గానూ ట్రై చేయ‌లేదు. త‌న కంఫ‌ర్ట్ జోన్‌ ని వ‌దులుకోలేకే!!