గిబ్రాన్ ని లైన్లో పెట్టిన మారుతీ

మ్యూజిక్ డైరెక్టర్ లలో గిబ్రాన్ ది డిఫరెంట్ స్టయిల్. విభిన్నమైన మ్యూజిక్ కోరుకునేవారు ఖచ్చితంగా గిబ్రాన్ ని అప్రోచ్ అవుతుంటారు. తెలుగులో రన్ రాజా రన్ తో ఎంట్రీ ఇచ్చిన గిబ్రాన్.. తర్వాత జిల్ మూవీ చేశాడు. కానీ ఆ తర్వాత బ్రేక్ రాలేదు, సరైన అవకాశం కూడా రాలేదు. కానీ ఇప్పుడో ప్రెస్టీజియస్ ప్రాజెక్ట్ ని గిబ్రాన్ ఎంపికయ్యాడు.

గ్యాప్ తీసుకుని వెంకటేష్ చేయబోతున్న మూవీకి సంగీతం అందించనున్నాడు. ఈ చిత్రాన్ని భలేభలే మగాడివోయ్ తో బ్లాక్ బస్టర్ కొట్టిన మారుతీ డైరెక్ట్ చేయనున్నాడు. భలేమగాడికి గోపీ సుందర్ తో చేసినా.. ఈ ప్రాజెక్ట్ కి గిబ్రాన్ కావాలంటూ ఏరి కోరి ఎంపిక చేసుకున్నాడు మారుతీ. మరోవైపు ఈ మూవీలో వెంకటేష్ సరసన నయనతార హీరోయిన్ గా నటించనుంది. డిసెంబర్ 16 నుంచి వెంకీ-మారుతీల మూవీ షూటింగ్ ప్రారంభం కానుంది. దీనికి సంబంధించిన మ్యూజిక్ సిట్టింగ్స్ స్టార్ట్ చేసేస్తున్నాడు గిబ్రాన్.

నిజానికి తెలుగులో మనోడికి అంత డిమాండ్ లేదు కానీ.. లెజెండరీ ఆర్టిస్ట్ కమల్ హాసన్ మాత్రం అసలు గిబ్రాన్ ని వదలడం లేదు. ఉత్తమ విలన్ తో మొదలైన అనుబంధం - పాపనాశం - తూంగావనం - విశ్వరూపం 2 కి కూడా కంటిన్యూ కానుంది. తెలుగులో కూడా సత్తా చాటేందుకు వెంకీ మూవీ ఉపయోగపడుతుందని హోప్స్ పెట్టుకున్నాడు గిబ్రాన్.