మసాలా డైరెక్టర్ పైసా కూడా బైటకు తీయడే!

ఆయనో మాస్ మసాలా యాక్షన్ డైరెక్టర్. అయితే ఆయన లాస్ట్ సినిమా ఫ్లాప్ దెబ్బకు ఆడియన్సుకే కాదు.. ఆయనకు కూడా దిమ్మతిరిగి బొమ్మ కనిపించింది. అతి కష్టం మీద.. ఎన్నో రోజులు వేచి చూసి ఓ సీనియర్ స్టార్ తో ఒక సినిమాను లైన్లో పెట్టాడు. నిజానికి ఈయన హంగామాకు.. ఆయన రచ్చకు భలే లంకె కుదురుతుంది. అయితే ఆయన సినిమాలు కూడా ఈ మధ్య బండ ఫ్లాపులుగా నిలుస్తున్నాయి. దీంతో ఈ సినిమా విజయం చాలా కీలకం. ఆఖరికి నిర్మాత కూడా ఫ్లాపుల్లోనే ఉన్నాడు.. ఈ సినిమా విజయం ఆయనకు కూడా ముఖ్యమే.

ఈ సినిమా హిట్ అవ్వకపోతే హీరోగారికి మరో సినిమా ఉంటుందేమో కానీ ఈ మాస్ డైరెక్టర్ కెరీర్ కు ఫుల్ స్టాప్ పడడం ఖాయం. అలా జరిగితే ఈ డైరెక్టర్ ఇంతకుముందు తన దగ్గర పనిచేసి ఇప్పుడు స్టార్ డైరెక్టర్ గా మారిన మరో వ్యక్తి దగ్గర పని చేయాల్సిన పరిస్థితి వస్తుందని ఈయన చేతిలో మోసపోయిన శిష్యులు శాపాలు పెడుతున్నారట. మరి ఈ మసాలా సినిమాల దర్శకుడు ఆ శిష్యులను ఏ విషయంలో వేధించాడో తెలియదు కానీ వారు మాత్రం గుర్రుగానే ఉన్నారని టాక్.

ఆ విషయం పక్కన పెడితే ఈ దర్శకుడు ఓ సినిమాకు 12 నుంచి 15 కోట్ల రూపాయల పారితోషికం పుచ్చుకుంటాడు. కానీ ఈ లాక్ డౌన్ పీరియడ్ లో ఎంతోమంది హీరోలు ఇతర టెక్నిషియన్లు విరాళాలు ఇస్తూ తమ మంచి మనసు చాటుకుంటూ ఉంటే ఈ మనిషి మాత్రం ఇప్పటి వరకూ ఏమాత్రం స్పందించలేదు. సినిమాల్లో సేవ.. త్యాగం.. బొంగు అంటూ లెక్చర్లు దంచుతారు కానీ నిజ జీవితంలో రూపాయ కూడా తీయరని ఇప్పటికే ఈయనపై సెటైర్లు పడుతున్నాయి.