క్రాక్ మూవీ డబ్బింగ్ షురూ చేసిన మాస్ మహారాజ్!!

టాలీవుడ్ లో మాస్ మహారాజ్ రవితేజ సినిమా వస్తుందంటే థియేటర్ల దగ్గర సినీ అభిమానుల సందడి మాములుగా ఉండదు. ఈ సంక్రాంతికి అదే సీన్ రిపీట్ కాబోతున్నట్లే అనిపిస్తుంది. ఎందుకంటే రవితేజ నటించిన కొత్త సినిమా క్రాక్. ఆ సినిమా 2021 సంక్రాంతి కానుకగా థియేటర్లలో సందడి చేయనుంది. అందుకే ప్రస్తుతం సినిమా పోస్ట్ ప్రొడక్షన్ పనులు, డబ్బింగ్ పనులు శరవేగంగా జరుగుతున్నాయి. అయితే తాజా సమాచారం ప్రకారం.. మాస్ రాజా క్రాక్ సినిమా డబ్బింగ్ పనులు స్టార్ట్ చేసినట్లు సోషల్ మీడియా వేదికగా తెలిపాడు. దీంతో ఫ్యాన్స్ లో జోష్ మరింత పెరిగిందని చెప్పాలి. ఎందుకంటే ఇప్పటికే క్రాక్ సినిమా టైటిల్, న్యూ లుక్, టీజర్, లిరికల్ సాంగ్స్ ఇలా అన్ని సినీ వర్గాలలో ఫుల్ క్రేజ్ అండ్ బజ్ క్రియేట్ చేసాయి.

ఇప్పటికి నెట్టింట క్రాక్ మూవీ సాంగ్స్ హల్చల్ చేస్తూనే ఉన్నాయి. అయితే తాజాగా డబ్బింగ్ పనులు కంప్లీట్ అవుతుండటం చూసి ఫ్యాన్స్ ఖుషి అయిపోతున్నారు. ఇక ఈ సినిమా ట్రైలర్ న్యూ ఇయర్ రోజున అంటే జనవరి 1న విడుదల చేస్తున్న సంగతి తెలిసిందే. క్రాక్ ట్రైలర్ కోసం మాస్ రాజా అభిమానులు ఎంతో ఆత్రంగా ఎదురు చూస్తున్నారు. చాలా రోజుల తర్వాత రవితేజ ఒక సీరియస్ పవర్ ఫుల్ పోలీస్ ఆఫీసర్ గా కనిపించబోతున్నాడు. టీజర్ లో చూస్తేనే యాక్షన్ ఏ రేంజిలో ఉందో అర్ధమవుతుంది. అలాగే ఎంటర్టైన్మెంట్ కూడా అదే రేంజిలో ఉన్నట్లుంది. గత కొన్ని సినిమాలుగా రవితేజ వరుస ప్లాప్స్ ఎదుర్కొంటున్నాడు. ఈ సినిమాతో ఆ గొడవ వదిలిపోతుందని అంటున్నారు ఫ్యాన్స్. ఎందుకంటే డైరెక్టర్ గోపీచంద్ మలినేనితో రవితేజ హ్యాట్రిక్ సినిమా ఇది. అంతేగాక వీరిద్దరి కాంబినేషన్ మూవీస్ డాన్ శీను, బలుపు రెండు కూడా సూపర్ హిట్స్. ఇంకా ఇప్పుడు తీసిన క్రాక్ మూవీ కూడా ఆల్రెడీ సూపర్ హిట్ అయిన సబ్జెక్టు కాబట్టి ఫుల్ కాన్ఫిడెంట్ గా ఉన్నారు మేకర్స్. చూడాలి మరి క్రాక్ ఎలా ఉండబోతుందో..!!