'క్రాక్' నుంచి థియేటర్స్ ని ఊపేసే మాస్ మసాలా 'మాస్ బిర్యానీ' సాంగ్..!

మాస్ మహారాజ్ రవితేజ - డైరెక్టర్ గోపీచంద్ మలినేని కాంబినేషన్ లో రూపొందుతున్న హ్యాట్రిక్ మూవీ ''క్రాక్''. ఇందులో శృతి హాసన్ హీరోయిన్ గా నటించింది. సరస్వతి ఫిలిం డివిజన్ బ్యానర్‌ పై ఠాగూర్ మధు నిర్మించిన ఈ చిత్రాన్ని సంక్రాంతి కానుకగా విడుదల చేస్తున్నారు. ఈ నేపథ్యంలో ప్రమోషనల్ కార్యక్రమాల స్పీడ్ పెంచిన చిత్ర యూనిట్ ఇప్పటికే ట్రైలర్ తో పాటు 'భూమ్‌ బద్దలు' 'భలేగా తగిలావే బంగారమ్‌' 'కోరమీసం పోలీసోడు' వంటి సాంగ్స్ ని రిలీజ్ చేశారు. ఈ క్రమంలో తాజాగా 'మాస్ బిర్యానీ' అనే మరో సాంగ్ లిరికల్ వీడియోని చిత్రబృందం వదిలారు.

'మాస్ బిర్యానీ' సాంగ్ వింటుంటే మ్యూజిక్ డైరెక్టర్ థమన్ థియేటర్స్ ని ఊపేసే మరో మాస్ మసాలా నంబర్ ని ఇచ్చినట్లు అర్థం అవుతోంది. 'సింగారాల శివంగి.. వయ్యారాల ఫిరంగీ..' అంటూ సాగిన ఈ క్రాక్ బిర్యానీ సాంగ్ కి కాసర్ల శ్యామ్‌ సాహిత్యం అందించగా.. రాహుల్ నంబియార్ - సాహితీ చాగంటి తమదైన శైలిలో ఆలపించారు. ఈ పాటకు శేఖర్ మాస్టర్ కొరియోగ్రఫీ చేశారు. ఇందులో రవితేజ - శృతి హాసన్ తమ ఎనర్జీతో దుమ్మురేపారని తెలుస్తోంది. దీనికి జీకే విష్ణు సినిమాటోగ్రాఫర్ గా వ్యవహరించారు. విలన్‌ కి హీరో వార్నింగ్‌ ఇచ్చి వచ్చిన తర్వాత ‘నీకు మంచి బిర్యానీ చేసి పెడతా’ అని హీరోయిన్‌ అనే సందర్భంలో ఈ పాట వస్తుందని థమన్ వెల్లడించారు. థమన్ చెప్పినట్లే ఈ సాంగ్ సంగీత్‌ వేడుకలు, రెస్టారెంట్లలో మారుమ్రోగేలా ఉంది. భారీ అంచనాలతో వస్తున్న 'క్రాక్' మూవీ జనవరి 9 నుంచి థియేటర్స్ లో సందడి చేయనుంది.