మాస్ రాజా మ‌ళ్లీ ట్రాక్ లోకి వ‌చ్చేస్తున్నాడా?

మాస్ మహారాజా ర‌వితేజ యాక్ష‌న్ ఎంట‌ర్ టైన‌ర్ 'ధ‌మాకా'తో రీసెంట్ గా ప్రేక్ష‌కుల ముందుకొచ్చాడు. 'పెళ్లి సంద‌డి' మూవీతో టాలీవుడ్ లోకి ఎంట్రీ ఇచ్చిన క‌న్న‌డ సోయ‌గం శ్రీ‌లీల ఈ మూవీలో హీరోయిన్ గా న‌టించింది అన‌డం కంటే త‌న‌దైన మార్కు డ్యాన్స్‌, పెర్ఫార్మెన్స్ తో ఇర‌గ‌దీసింది అని చెప్ప‌డం క‌రెక్టేమో. త్రినాథ‌రావు న‌క్కిన డైరెక్ట్ చేసిన ఈ మూవీని పీపుల్ మీడియా ఫ్యాక్ట‌రీ బ్యాన‌ర్ పై టి.జి. విశ్వ‌ప్ర‌సాద్ నిర్మించారు.

వ‌రుస ఫ్లాపుల త‌రువాత 'క్రాక్‌' మూవీతో బ్లాక్ బస్ట‌ర్ హిట్ ని త‌న ఖాతాలో వేసుకుని స‌క్సెస్ ట్రాక్ లోకి వ‌చ్చేసిన మాస్ మ‌హారాజా ఆ త‌రువాత బ్యాక్ టు బ్యాక్ ధ‌మాకా, రామారావు ఆన్ డ్యూటీ వంటి సినిమాల‌తో ఫ్లాప్‌, డిజాస్ట‌ర్ల‌ని సొంతం చేసుకున్నాడు. వ‌రుస ఫ్లాపుల త‌రువాత ర‌వితేజ నుంచి యాక్ష‌న్ కామెడీగా రూపొందిన 'ధ‌మాకా' వ‌స్తుండ‌టంతో అభిమానులు ఈ మూవీపై భారీ అంచ‌నాలు పెట్టుకున్నారు. శుక్ర‌వారం ప్రేక్ష‌కుల ముందుకొచ్చింది.

ఫ‌స్ట్ డే ఫ‌స్ట్ షో నుంచే డివైడ్ టాక్ ని సొంతం చేసుకున్న ఈ మూవీ టాక్ తో సంబంధం లేకుండా ఉభ‌య తెలుగు రాష్ట్రాల‌తో పాటు ఓవ‌ర్సీస్ లోనూ మాస్ యుఫోరియాని సృష్టిస్తూ బాక్సాఫీస్ వ‌ద్ద ఊహించ‌ని విధంగా వ‌సూళ్ల వ‌ర్షం కురిపిస్తూ మాస్ రాజా స‌త్తా ఏంటో నిరూపిస్తోంది.

ర‌వితేజ డ్యుయెల్ రోల్ లో న‌టించిన ఈ మూవీ టాక్ కు సంబంధిం లేకుండా ఫ‌స్ట్ డే షాకింగ్ ఓపెప‌నింగ్స్ ని రాబ‌ట్టి ఆశ్చ‌ర్య‌ప‌రిచింది. మొద‌టి రోజు భారీ వ‌సూళ్ల‌ని రాబ‌ట్టి ర‌వితేజ కెరీర్ లోనే భారీ స్థాయి వ‌సూళ్ల‌ని రాబ‌ట్టిన మ‌రో మూవీగా నిలిచింది.

ఏపీలోని ప్ర‌ధాన సిటీస్ అయిన‌టువంటి తిరుప‌తి, రాజ‌మండ్రి, కాకినాడ‌, ఏలూరు సిటీ, విజ‌య‌వాడ సిటీస్ ల‌లో హాస్ ఫుల్స్ అవుతూ వ‌స్తోంది. తెలంగాణ లోని సింగిల్ స్క్రీన్ ల‌లోనూ హౌస్ ఫుల్స్ అవుతూ ఇదే జోరుని చూపిస్తూ బాక్సాఫీస్ వ‌ద్ద దూసుకుపోతోంది.

ఫ‌స్ట్ రోజు ఏ జోరుని చూపించిందో రెండ‌వ రోజు కూడా అదే కంటిన్యూ చేస్తూ వ‌స్తోంది. ఊహించ‌ని విధంగా 'ధ‌మాకా' యుఫోరియా ఉభ‌య తెలుగు రాష్ట్రాల‌తో పాటు యుఎస్ లోనూ ధ‌మాకా చూపిస్తోంది. ఈ మూవీ వ‌సూళ్లు కూడా రానున్న రోజుల్లో మ‌రింత‌గా ప‌సెరిగే అవ‌కాశం వుంద‌ని ట్రేడ్ వ‌ర్గాలు అంటున్నాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.