ముగ్గురు క్రేజీ భామ‌ల‌తో మాస్ రాజా రొమాన్స్‌

ఈ మ‌ధ్య మ‌న హీరోల‌కు స‌డ‌న్ గా ఏమైందో ఏమో తెలియ‌దు కానీ ఏడాదికి ఒకే ఒక్క సినిమాతో స‌రిపెట్టుకునే హీరోలు ఇప్పుడు వ‌రుస‌గా సినిమాలు చేస్తూ వ‌రుస షాకులిస్తున్నారు. మెగాస్టార్ చిరంజీవి నుంచి నేచుర‌ల్ స్టార్ నాని వ‌రకు మ‌న హీరోల పంథా మారింది. ఇదే త‌ర‌హాలో మ‌న‌ మాస్ మ‌హారాజా ర‌వితేజ కూడా బ్యాక్ టు బ్యాక్ సినిమాలు చేసేస్తున్నారు. ప్ర‌స్తుతం ఆయ‌న చేతిలో దాదాపు అర‌డ‌జ‌ను సినిమాలున్నాయి.

`క్రాక్‌` బ్లాక్ బ‌స్ట‌ర్ తో ట్రాక్ లోకి వ‌చ్చిన ర‌వితేజ వ‌రుస సినిమాల‌కు గ్రీన్ సిగ్న‌ల్ ఇచ్చేస్తున్న విష‌యం తెలిసిందే. ర‌వితేజ తాజాగా గ్రీన్ సిగ్నల్ ఇచ్చిన మూవీ `రావణాసుర‌`. సుధీర్ వ‌ర్మ ద‌ర్శ‌క‌త్వం వ‌హిస్తున్నారు. `హీరోస్ డోన్ట్ ఎగ్జిస్ట్‌` అనే క్యాప్ష‌న్ తో రూపొంద‌నున్న ఈ మూవీని అభిషేర్ పిక్చ‌ర్స్ బ్యాన‌ర్ పై అభిషేక్ నామా నిర్మిస్తున్నారు. ర‌వితేజ ప‌వ‌ర్‌ఫుల్ లాయ‌ర్ పాత్ర‌లో న‌టిస్తున్న ఈ మూవీ ఫ‌స్ట్ లుక్ టైటిల్ పోస్ట‌ర్ ని మేక‌ర్స్ ఇటీవ‌లే విడుద‌ల చేసిన విష‌యం తెలిసిందే.

ఈ చిత్రాన్ని సంక్రాంతి సంద‌ర్భంగా జ‌న‌వ‌రి 14న లాంఛ‌నంగా పూజా కార్య‌క్ర‌మాల‌తో ప్రారంభిస్తున్నారు. ఇందుకు సంబంధించిన ఏర్పాట్లు కూడా జ‌రుగుతున్నాయి. ఇదిలా వుంటే ప‌వ‌ర్ ఫుల్ స్టోరీతో రూపొందుతున్న ఈమూవీలో ర‌వితేజ‌తో ముగ్గురు క్రేజీ హీరోయిన్ లు రొమాన్స్ చేయ‌బోతున్నారు. ఇస్మార్ట్ బ్యూటీ న‌భా న‌టేష్‌, జాతిర‌త్నాలు ఫేమ్ ఫరియా అబ్దుల్లా, మేఘా ఆకాష్‌.. ఈ ముగ్గురు మాస్ రాజాతో రొమాన్స్ కి రెడీ అయిపోయారు.

ప్రారంభం రోజే వీరికి సంబంధించిన అనౌన్స్ మెంట్ రానుంద‌ని తెలిసింది. ఇక ఇందులో ప‌వ‌ర్ ఫుల్ లేడీ విల‌న్ గా `జాంబిరెడ్డి` ఫేమ్ ద‌క్షా నాగ‌ర్‌క‌ర్ న‌టించ‌బోతోంది. ఇప్ప‌టికే ఆమెని ఫైన‌ల్ చేసేశారు కూడా. అయితే ఇంత వ‌ర‌కు అధికారికంగా టీమ్ మెంబ‌ర్స్ ప్ర‌క‌టించ‌లేదు. ఈ వార్త‌ని కూడా సంక్రాంతి రోజే మేక‌ర్స్ ప్ర‌క‌టించే అవ‌కాశం వుంద‌ని తెలిసింది.

ఇదిలా వుంటే మాస్ మ‌హారాజా ర‌వితేజ న‌టించిన ఖిలాడీ, రామారావు ఆన్ డ్యూటీ, ధ‌మాకా చిత్రీక‌ర‌ణ ద‌శ‌లో వున్నాయి. టైగ‌ర్ నాగేశ్వ‌ర‌రావు సెట్స్ పైకి రావాల్సి వుంది. `రావ‌ణా సుర‌` స్టార్ట్ కాగానే `టైగ‌ర్ నాగేశ్వ‌ర‌రావు`ని సెట్స్ పైకి తీసుకొస్తార‌ని చిత్ర వ‌ర్గాల స‌మాచారం.