'శంకర్ - చరణ్' సినిమాలో 'మాస్టర్' బ్యూటీ..?

మాళవిక మోహనన్.. త‌మిళంలో ఇప్పుడు హాట్ టాపిక్ అయిన మలయాళీ బ్యూటీ. ప్రముఖ సినిమాటోగ్రాఫర్ కేయూ మోహనన్ కుతురైన మాళవిక.. 'పెట్టం పోలె' అనే మలయాళ చిత్రంతో హీరోయిన్ గా ఎంట్రీ ఇచ్చింది. ఈ క్రమంలో తమిళ కన్నడ హిందీ ఇండస్ట్రీలలో కూడా అడుగుపెట్టింది. రజనీకాంత్‌ నటించిన 'పేట' సినిమాలో కీలక పాత్రలో నటించింది. ఈ ఏడాది ప్రారంభంలో విజయ్ సరసన 'మాస్టర్' సినిమాలో హీరోయిన్ గా నటించి మెప్పించింది. ప్రస్తుతం ధనుష్ కు జోడీగా ఓ చిత్రంలో నటిస్తోన్న మాళవిక.. హిందీలో ఓ సినిమా చేస్తోంది.

ఇకపోతే సినిమాల్లో చాలా హోమ్లీగా కనిపించే మాళ‌విక‌ మోహనన్ సోషల్ మీడియాలో మాత్రం రెచ్చిపోతూ ఉంటుంది. క్లీవేజ్ షోల‌తో కుర్ర‌కారుకి గేలం వేస్తూ ఉంటుంది. అయితే ఈ హాట్ ఫోటోషూట్స్ అన్నీ త‌మిళ వారి కోసం కాద‌ట‌.. తెలుగులో ఓ ప్రాప‌ర్ ఎంట్రీ కోసమే అమ్మడు ఇలా ట్రై చేస్తోందని తెలుస్తోంది. ఇప్ప‌టికే మెగా పవర్ స్టార్ రామ్ చ‌ర‌ణ్ - డైరెక్టర్ శంక‌ర్ కాంబోలో రూపొందే సినిమాలో మాళ‌విక‌ని హీరోయిన్ గా తీసుకోవాల‌నే ఓ ప్రపోజ‌ల్ వెళ్లిందట. అది కూడా ఓ పెద్ద స్టార్ హీరో నుంచి శంక‌ర్ కి రిక‌మెండేష‌న్ వెళ్లిన‌ట్లుగా సినీ వర్గాల్లో గుసగుసలు వినిపిస్తున్నాయి.

ఇదే నిజమై 'RC15' చిత్రంలోకి మాళవిక మోహనన్ ని హీరోయిన్ గా తీసుకుంటే.. చరణ్ పక్కన అమ్మడు ఎలా క‌నిపిస్తుందో చూడాలి. శంకర్ సినిమాలో హీరోయిన్ అంటే అందాల ఆరబోతకు కొదవ ఉండదు. మరి ఇప్పుడు చెర్రీ సినిమాతో ఈ బ్యూటీ తెలుగు ప్రేక్షకులకు గాలం వేస్తుందేమో చూడాలి. నిజానికి మాళవిక అప్పుడెప్పుడో టాలీవుడ్ లో ఎంట్రీ ఇవ్వాల్సింది. విజయ్ దేవరకొండ - మాళవిక మోహన్ జంటగా 'హీరో' అనే సినిమాని ప్రారంభించారు. ఒక షెడ్యూల్ షూటింగ్ జరుపుకున్న తర్వాత ఈ స్పోర్ట్స్ డ్రామాని పక్కన పెట్టేసారు. అప్పటి నుంచి అమ్మడు తెలుగులో నటించడానికి ప్రయత్నాలు చేస్తూనే ఉంది.