వీడియో : అభిమాన స్టార్‌ తో మాస్టర్‌ బ్యూటీ

ఎంత పెద్ద స్టార్ అయినా కూడా తమకంటూ ఒకరు ఇద్దరు లేదా కొందరు అభిమాన స్టార్స్ ఉంటారు. సౌత్ స్టార్స్ కు ఉత్తరాది స్టార్స్‌ లేదా బాలీవుడ్‌ స్టార్స్ అంటే అభిమానం ఉంటుంది. బాలీవుడ్ స్టార్స్ కు హాలీవుడ్ స్టార్స్‌ లేదా సౌత్ లో సీనియర్‌ స్టార్స్ అంటే ఇష్టం ఉంటుంది. ఇక మాస్టర్‌ సినిమాతో సౌత్‌ ఆడియన్స్ ను ఆకట్టుకున్న ముద్దుగుమ్మ మాళవిక మోహన్‌ వరుస సినిమాలతో దూసుకు పోయేందుకు సిద్దం అయ్యింది. కరోనా తర్వాత ఈమె నటించిన నటించబోతున్న సినిమాలు ప్రేక్షకుల ముందుకు బ్యాక్‌ టు బ్యాక్‌ వచ్చేందుకు సిద్దం అవుతున్నాయి. భారీ ఎత్తున అంచనాల నడుమ రూపొందుతున్న సినిమాల కంటే ఈమెకు ఒక చిన్న కమర్షియల్‌ యాడ్‌ లో నటించడం చాలా సంతృప్తిని కలిగించినట్లుగా ఉంది.

తాజాగా ఈమె రణబీర్‌ కపూర్‌ తో కలిసి ఒక కమర్షియల్‌ యాడ్‌ లో నటించింది. ఆ యాడ్‌ చిత్రీకరణ నుండి మొదలుకుని యాడ్‌ బయటకు వచ్చే వరకు ఆమె చాలా ఎగ్జైట్‌ ను కనబర్చింది. తన అభిమాన నటుడు.. మొదటి క్రష్ అంటూ రణబీర్‌ కపూర్ గురించి చెప్పుకొచ్చింది. తాజాగా కూడా మరోసారి రణబీర్‌ కపూర్ తో తన వర్క్‌ ఎక్స్‌ పీరియన్స్ ను షేర్‌ చేస్తూ మాళవిక తన ఆనందంను వ్యక్తం చేసింది.

షూట్‌ లో అయినా నా కోసం రణబీర్‌ కేక్ ను చేయడం పట్ల ఈమె చాలా సంతోషం వ్యక్తం చేస్తూ వీడియోను షేర్‌ చేసింది. ఇక మాళవిక తెలుగు సినిమాల విషయానికి వస్తే ప్రస్తుతానికి ఈమె రెండు సినిమాలు కమిట్‌ అయ్యిందని.. ముందు ముందు ఈమె తెలుగు లో వరుసగా సినిమాలు చేసే అవకాశాలు కూడా ఉన్నాయని అంటున్నారు. తెలుగులోనే కాకుండా ఈమెకు బాలీవుడ్‌ నుండి కూడా పిలుపు వస్తున్నట్లుగా వార్తలు వస్తున్నాయి. మొత్తానికి మాస్టర్ బ్యూటీ అభిమాన స్టార్‌ తో కలిసి నటించే అవకాశం దక్కించుకోవడంతో పాటు అనుకున్నట్లుగానే వరుసగా సినిమాల్లో ఛాన్స్ లు దక్కించుకుంటూ దూసుకు పోతుంది.