కత్తి రీమేక్ లో కత్తిలాంటి పాకిస్థాన్ హీరోయిన్

ఇండియన్ స్క్రీన్ పై కనిపించేందుకు మరో పాకిస్థానీ హీరోయిన్ రెడీ అవుతోంది. పాకిస్థాన్ కు చెందిన నటి, మోడల్, వీజే మాయా అలీ కత్తి సినిమా రీమేక్ లో హీరోయిన్ గా కన్ఫర్మయంది. అదేంటి... మెగాస్టార్ చిరంజీవి వందో సినిమాలో పాకిస్థాన్ హీరోయిన్ యాక్టు చేస్తుందా అనుకోకండి. ఈ కత్తి ఆ కత్తి కాదు.. ఇది తెలుగు రీమేక్ కాదు.. హిందీ వెర్షన్. అందులో హీరో మెగాస్టార్ కాదు యాక్షన్ స్టార్ అక్షయ్ కుమార్. అవును అక్షయ్ కుమార్ సినిమాకు ఈ పాపులర్ పాక్ హీరోయిన్ ను కన్ఫర్మ్ చేశారు.

మాయా అలీకి పాకిస్థాన్ లో మంచి స్టార్ డమ్ ఉంది. సినిమాలు, మోడలింగ్ ఇండస్ట్రీలోనూ ఆమె పేరు మార్మోగుతోంది. అయితే బాలీవుడ్ లో తన తొలి సినిమా ఇదే కావడం విశేషం. తొలిసినిమాలోనే స్టార్ హీరో పక్కన ఛాన్సు రావడంతో ఆమెను అంతా లక్కీగాళ్ అంటున్నారు. కాగా ఈ సినిమాకు ఇక్కా అనే పేరు ఖరారు చేసినట్లు తెలుస్తోంది. మరోవైపు ఈ సినిమా దర్శకుడికి కూడా ఇదే ఫస్ట్ సినిమా. ప్రముఖ దర్శకుడు మురుగుదాస్ వద్ద అసోసియేట్ గా పనిచేసిన జగన్ శక్తి ఈ సినిమాకు డైరెక్టర్.

కాగా ఒరిజినల్ కత్తి సినిమాకు దర్శకుడు మురుగుదాసే. సో.. మురుగుదాస్ తో కలిసి ఆ సినిమాకు పనిచేసిన శక్తి దాని హిందీ వెర్షన్ కు సరైన దర్శరకుడన్న అభిప్రాయం సినీ రంగంలో వినిపిస్తోంది.