ఫోటో స్టొరీ: హాట్ ఐపీఎల్ యాంకర్ కు జనాలు ఫిదా

భారతీయులకు ఇష్టమైన విషయాలలో క్రికెట్ అనేది చాలా ముఖ్యమైనది. క్రికెట్ ప్లేయర్ల క్రేజ్ కూడా ఎప్పడూ ఆకాశాన్ని తాకుతూ ఉంటుంది. క్రికెట్ లో ప్లేయర్లు మాత్రమే కాకుండా హోస్ట్ గా కొందరు బ్యూటీలు భారీ ఫాలోయింగ్ సంపాదించుకున్నారు. గతంలో సోనీ మ్యాక్స్ వారు మందిరా బేడిని హోస్ట్ గా తీసుకురావడంతో జనాలు క్రికెట్ మ్యాచ్ కు ముందు.. మ్యాచ్ తర్వాత కూడా టీవీని చూడడం అలవాటు చేసుకున్నారు.

ఇదిలా ఉంటే స్టార్ స్పోర్ట్స్ వారు మరో లేడి హోస్ట్ ను తీసుకొచ్చారు.. ఇప్పుడు భారతదేశం మొత్తం మీద ఆవిడ పేరు తెలియని క్రికెట్ ప్రేమికులు లేరు. ఇంతకీ ఆమె ఎవరంటే మయాంటి లాంగర్. మ్యాచ్ మొదలవడానికి 45 నిముషాల ముందే ఈ బ్యూటీకోసం ఇప్పుడు టీవీలు ఆన్ చేస్తున్నారు. క్రికెట్ ఆటపై మంచి పరిజ్ఞానంతో పాటుగా అందంగా నవ్వుతూ హోస్టింగ్ చేస్తుంటే ఎవరైనా మాయలో పడకుండా ఎలా ఉంటారు? మయాంటి కూడా ఇప్పుడు తనకొచ్చిన సక్సెస్ ను ఫుల్ గా ఎంజాయ్ చేస్తోందట.

క్రికెటర్ స్టువర్ట్ బిన్నీ కి మయాంటి సతీమణి అనే సంగతి తెలిసిందే. పెళ్లి అయినా కానీ సోషల్ మీడియాలో అర్చన విజయ.. షిబాని దండేకర్.. మయాంటి లాంగర్ ల మధ్య పోటీ వచ్చినప్పుడు ఎక్కువ ఓట్లు మయాంటికే పడుతున్నాయట. అందమైన భామ నవ్వితే.. అంతేగా అంతేగా!