టీజర్ టాక్: కొత్త ఎంసీఏ చదవాల్సిందే

ప్రస్తుతం యంగ్ హీరోస్ లో నాన్ని ఉన్నతం ఫాంలో మరే హీరో లేడు. సినిమా సినిమాకి తన స్థాయిని పెంచుకుంటూ.. ఏడాదికి మినిమం మూడు సినిమాలు రిలీజ్ చేస్తూ.. ఫుల్ జోష్ లో ఉన్న నాని.. ఇప్పుడు ఎంసీఏ అంటూ వచ్చేస్తున్నాడు. ఇప్పుడీ ఎంసీఏ-మిడిల్ క్లాస్ అబ్బాయి టీజర్ ను రిలీజ్ చేసిన టీం.. ప్రమోషనల్ వర్క్స్ అఫీషియల్ గా స్టార్ట్ చేసేసింది.

ఎంసీఏ అంటే క్వాలిఫికేషన్ కాదు.. మైండ్ సెట్ అంటూ టీజర్ స్టార్ట్ చేసిన విధానం సూపర్బ్ గా ఉంది. షర్ట్ బటన్ ఊడిపోతే పిన్నీస్ తో మేనేజ్ చేయడం.. జీన్స్ ప్యాంట్ ను బ్లేడ్ తో కట్ చేసి.. టోర్న్డ్ జీన్స్ అని మేనేజ్ చేయడం చేయడం లాంటివి చేస్తే.. ఎంసీఏ అంటే ఏంటో పక్కాగా తెలుస్తుంది అంటూ అబ్రివేషన్ చెప్పించిన విధానం మరీ ఆకట్టుకుంటుంది. ఇక హీరోయిన్ సాయి పల్లవిని కూడా టీజర్ లోనే పరిచయం చేసేశారు. బస్టాప్ లో నుంచున్న అమ్మాయి నచ్చేసి.. ఫ్యామిలీ ఫోటో ఊహించుకుంటే అని నానితో చెప్పిస్తుండగానే.. సాయి పల్లవి హీరో దగ్గరకు వచ్చి 'నువ్వు నాకు బాగా నచ్చేశావ్.. ఎప్పుడు పెళ్లి చేసుకుందాం' అని ఆమెతోనే అడిగించి.. అటు నానికి ఇటు ఆడియన్స్ కు షాక్ ఇచ్చేశాడు దర్శకుడు వేణు శ్రీరాం.

దిల్ రాజు బ్యానర్ పై వస్తున్న ఈ మూవీ టీజర్ చాలా ప్రామిసింగ్ గా ఉంది. నాని యాక్టింట్ ట్యాలెంట్ గురించి.. సాయి పల్లవి ప్రతిభ గురించి ప్రత్యేకంగా చెప్పాల్సిన పని లేదు. మొత్తం మీద ఈ మిడిల్ క్లాస్ అబ్బాయి కొత్త లవ్ స్టోరీ ఏదో చదివించేట్లుగా ఉన్నాడు.