ఒక‌రు కంచు, ఇంకొక‌రు దంచు

సీనియ‌ర్ న‌టీమ‌ణులు ర‌మ్య‌కృష్ణ‌, మీనా క‌లిసి ఒకే సినిమాలో న‌టించిన స‌న్నివేశం ఇంత‌కుముందే టాలీవుడ్‌ లో ఉంది. మంచు మోహ‌న్‌ బాబు స‌ర‌స‌న అల్ల‌రి ప్రియుడు చిత్రంలో న‌టించారు. ఆ సినిమా అప్ప‌ట్లో బ్లాక్‌ బ‌స్ట‌ర్ హిట్‌. అయితే ఆ త‌ర్వాత మ‌ళ్లీ ఈ క‌ల‌యిక‌లో సినిమా లేనేలేదు. చాలా కాలానికి మ‌ళ్లీ మోహ‌న్ బాబు కోసం ఈ భామ‌లిద్ద‌రూ ఓ సినిమా చేస్తున్నారు. మామ మంచు -అల్లుడు కంచు అనే ఇంట్రెస్టింగ్ టైటిల్‌ తో ఈ సినిమా తెర‌కెక్కుతోంది. ఇందులో మామ‌గా మోహ‌న్‌ బాబు, అల్లుడు కంచుగా అల్ల‌రి న‌రేష్ న‌టిస్తున్నారు.

మేటి న‌టీమ‌ణులు ఇదిగో ఇలా షూటింగులో పాల్గొన్నప్పుడు రిలాక్స్ మోడ్‌ లో క‌నిపించారు. అక్కా ఎవ‌రే అత‌గాడు? అని మీనా అడుగుతుంటే, చెల్లి నా మ‌న‌సుకు జ‌త‌గాడు అని ర‌మ్య అక్క చెబుతున్న‌ట్టు లేదూ? 90ల‌లో క‌లిసి న‌టించారు. మ‌ళ్లీ 2015లో ఇలాంటి క‌ల‌యిక సాధ్య‌మైంది. అంటే పాతికేళ్ల త‌ర్వాత ఇలా క‌లిసి న‌టించ‌డం ఎవ‌రినైనా మెమ‌రీస్‌ లోకి తీసుకెళ్ల‌కుండా ఉండ‌దు. మ‌రోసారి అల్ల‌రి మొగుడు ఫ‌లితాన్ని రిపీట్ చేసి ఈ సీనియ‌ర్ న‌టీమ‌ణులు సెల‌బ్రేష‌న్స్ చేసుకోవాల‌ని కోరుకుందాం.