కూతురు నెరవేర్చిన హీరోయిన్ కల

కొంతమంది హీరోయిన్స్ కాకముందు చిన్నప్పుడే బాలనటిగా గుర్తింపు పొందిన సంగతి తెలిసిందే. ముఖ్యంగా స్టార్ హీరోయిన్స్ చాలా మందే ఉన్నారు. ఆ లిస్ట్ లో ఎవర్ గ్రీన్ బ్యూటీ మీనా కూడా ఉన్నారు. చూడగానే తన క్యూట్ స్మైల్ తో ఎంతో మంది ప్రేక్షకుల మనసును దోచుకున్న మీన 80ల చివర్లో 90లలో స్టార్ హీరోయిన్ గా మంచి గుర్తింపు తెచ్చుకొని కమల్ హసన్ - రజినీకాంత్ వంటి హీరోలతో స్క్రీన్ షేర్ చేసుకొన్నారు.

అంతే కాకుండా టాలీవుడ్ స్టార్ హీరోలందరితో ఆమె నటించారు. ఇకపోతే ప్రస్తుతం కోలీవుడ్ లో ఆమె గెస్ట్ రోల్స్ చేస్తూ ప్రత్యేక పాత్రల్లో మెప్పిస్తున్నారు. అప్పుడప్పుడు తెలుగు వైపు కూడా చూస్తున్నారు. ఇక అసలు విషయానికి వస్తే.. మీనా కూతురు నైనిక కూడా ఇప్పుడు సినిమాల్లో చైల్డ్ ఆర్టిస్ గా మెప్పిస్తోంది. ముఖ్యంగా స్టార్ హీరో విజయ్ తెరి సినిమాలో నైనిక తన క్యూట్ హావభావాలతో సినిమాకు ప్రాణం పోసింది. అయితే ఇప్పుడు ఆ చిన్నారి తల్లి కోరికను నెరవేర్చడానికి రెడీ అయ్యిందట.

ప్రముఖ దర్శకుడు సిద్దిఖీ గతంలో విజయ్ తో ఫ్రెండ్స్ అనే సినిమాను తీశాడు. అయితే ఆ సినిమాలో మీనాను కథానాయికగా తీసుకోవాలని అనుకున్నారు. కానీ మీనా బిజీ షెడ్యూల్ కారణంగా అప్పుడు కుదరలేదు. అయితే ఇప్పుడు అరవింద్‌ స్వామి - అమలాపాల్‌ ప్రధాన పాత్రల్లో సిద్దిఖీ ఒక సినిమాను తెరకెక్కిస్తున్నాడు. ఈ సినిమాలో మీనా కూతురుని ఓ ముఖ్య పాత్రకు దర్శకుడు ఎంపిక చేశాడు. భాస్కర్‌ ఒరు రాస్కెల్‌ అనే ఆ సినిమా షూటింగ్ ప్రస్తుతం శరవేగంగా జరుగుతోంది. అయితే సిద్దిఖీ దర్శకత్వంలో నేను నటించాలని అనుకున్నా. కానీ కుదరలేదు. ఇప్పుడు ఆ కల నా కూతురు నైనిక వల్ల తీరుతోందని మీనా ఇటీవల ఒక ఇంటర్వ్యూలో వివరించింది.