ఇప్పటికి కూడా 'అమ్మాయి బాగుంది'

తెలుగు లో హీరో శివాజీ నటించిన అమ్మాయి బాగుంది సినిమాతో హీరోయిన్ గా తెలుగు ప్రేక్షకులకు పరిచయం అయిన ముద్దుగుమ్మ మీరా జాస్మిన్‌. ఆ సినిమా టైటిల్‌ కు తగ్గట్లుగా అమ్మాయి భలే ఉందే.. నిజంగా అమ్మాయి బాగుంది అంటూ ప్రేక్షకులు ఇండస్ట్రీ వర్గాల వారు మీరా జాస్మిన్‌ ను అన్నారు. ఆ తర్వాత తెలుగు లో మీరా జాస్మిన్‌ కొన్నాళ్ల పాటు బిజీ అయ్యింది. తెలుగు.. తమిళం మరియు కన్నడం ఇంకా మలయాళంలో కూడా అప్పుడప్పుడు సినిమాలు చేస్తూ బిజీగా ఉన్న మీరా జాస్మిన్ పెళ్లి తర్వాత సినిమాలకు కాస్త దూరంగా ఉంటూ వచ్చింది.

అప్పుడప్పుడు మలయాళంలో కనిపిస్తూ వస్తున్న మీరా జాస్మిన్‌ తెలుగు ప్రేక్షకులకు కనిపించక దాదాపుగా పదేళ్లు అయ్యింది. సోషల్‌ మీడియాలో కూడా ఎక్కువగా కనిపించని మీరా జాస్మిన్‌ తాజాగా తన కొత్త లుక్ తో అందరిని అలరించింది. తాజాగా మీరా జాస్మిస్ ఒక వేడుకలో పాల్గొంది. ఆ సమయంలో ఆమెను ఫొటోలు తీసిన ఫొటో గ్రాఫర్స్ సోషల్‌ మీడియాలో షేర్‌ చేశారు. ఆమె ఇండస్ట్రీకి వచ్చి దాదాపుగా ఇరువై సంవత్సరాలు అయ్యింది.. ఆమె వయసు నాలుగు పదుల వయసుకు దగ్గరగా ఉంది. అయినా కూడా ఆమె చూడ్డానికి అప్పట్లో ఎలా ఉందో ఇప్పుడు కూడా అలాగే ఉంది.

ఫిజిక్ నుండి మొదలుకుని ఫేస్ కూడా మార్పు లేకుండా అమ్మాయి భలే ఉందే.. చాలా బాగుంది అన్నట్లుగా ఉంది అంటూ కామెంట్స్ చేస్తున్నారు. మీరా జాస్మిన్‌ ఇప్పటికి కూడా నటిస్తే హీరోయిన్స్ ఆఫర్లు ఇచ్చేందుకు మేకర్స్ సిద్దంగా ఉంటారు అన్నట్లుగా ఆమె లుక్‌ ఉంది అంటూ కొందరు అంటున్నారు. మీరా జాస్మిన్ నెట్టింట తన కొత్త ఫొటోలతో సందడి చేస్తున్న విధానం చూస్తుంటే ఆమె మళ్లీ నటిగా ప్రేక్షకుల ముందుకు వచ్చి వరుసగా సినిమాలు చేయాలని తెలుగు ప్రేక్షకులు కోరుకుంటున్నారు. మీరా జాస్మిన్‌ ఇటీవలే ఒక మలయాళం మూవీకి ఓకే చెప్పిందట. ఆ సినిమాలో ఈమె పాత్ర ఏంటీ అనే విషయం లో క్లారిటీ రావాల్సి ఉంది.