స‌కుటుంబ స‌ప‌రివార స‌మేతంగా సాయిప‌ల్ల‌వి

ట్యాలెంటెడ్ బ్యూటీ సాయిప‌ల్ల‌వి న‌టించిన రెండు సినిమాలు సెకండ్ వేవ్ వ‌ల్ల వాయిదా ప‌డిన సంగ‌తి తెలిసిందే. రానా స‌ర‌స‌న అర‌ణ్య‌ప‌ర్వం.. నాగ‌చైత‌న్య స‌ర‌స‌న ల‌వ్ స్టోరి చిత్రాల్లో న‌టించింది ఈ బ్యూటీ. ఇవి రెండూ రిలీజ్ కి షెడ్యూల్ చేసిన స‌మ‌యంలోనే కోవిడ్ ఉధృతి పెర‌గ‌డం అంతా నాశ‌నం చేసింది. ఇది నిజంగా సాయిప‌ల్ల‌వి స‌హా ఇత‌ర టీమ్ కి తీవ్ర నిరాశ‌ను క‌లిగించింది.

ప్ర‌స్తుతం థియేట‌ర్ల‌ను 50శాతం ఆక్యుపెన్సీతో ర‌న్ చేసేందుకు వీలు క‌లుగుతోంది. ఇక‌పై ఈ సినిమాల రిలీజ్ తేదీల్ని ప్ర‌క‌టించే వీలుంది. మ‌రోవైపు ఈ లాక్ డౌన్ లో సాయి పల్లవి ఇన్ స్టాలో స్పీడ్ త‌గ్గించింది. నెమ్మదిగా ఇప్పుడిప్పుడే స‌న్నివేశం సాధారణ స్థితికి రావడంతో తిరిగి ఎన‌ర్జిటిక్ మూడ్ లోకి వ‌స్తోంది.

ఇటీవల త‌న‌ బంధువులతో సమయం గడిపిన ఫోటోల్ని ఇన్ స్టాలో షేర్ చేయ‌గా అవి వైర‌ల్ గా మారాయి. తన కుటుంబ సభ్యులతో కలిసి కొన్ని అందమైన ఫోటోలకు పోజులిచ్చింది. నేచుర‌ల్ బ్యూటీ నో మేక‌ప్ లుక్ ఆక‌ట్టుకుంది. ప్రకృతిలో గ‌డ‌ప‌డం.. రోడ్ ట్రిప్స్ వెళ్ల‌డం లేదా సూర్యాస్తమయాలు ఆనందించడం.. ఇవ‌న్నీ త‌న‌ వ్యక్తిత్వాన్ని ప్రతిబింబిస్తాయి. కుటుంబంపై ప్రేమ.. సోద‌ర‌సోద‌రీమ‌ణుల‌తో క‌లిసి జీవించే విధానం ఇదంతా ఫోటోల రూపంలో బ‌య‌ట‌ప‌డింది.