బాలీవుడ్.. టాలీవుడ్ కు మరో ఐష్ దొరికేసిందిగా?

మనుషుల్ని పోలినట్లుగా ఉండేవారు అక్కడక్కడా కనిపిస్తుంటారు. సెలబ్రిటీల విషయంలో మాత్రం ఇలాంటివాళ్లు ఎక్కడున్నా సరే వెంటనే వారు ఫేమస్అయిపోతుంటారు. తాజాగా అలాంటిదే చోటు చేసుకుంది. ప్రముఖ బాలీవుడ్ నటి ఐశ్వర్యారాయ్ ను అచ్చుగుద్దినట్లుగా ఒక బ్యూటీ ఇప్పుడు సోషల్ మీడియాలో సంచలనంగా మారారు. గతంలోనూ ఐష్ ను పోలిన పలువురు సెలబ్రిటీ స్టేటస్ ను సొంతం చేసుకోవటమే కాదు.. సినిమా ఛాన్సుల్ని చేజిక్కించుకున్నారు. ఒరిజినల్ ఐష్ ఎటూ డేట్స్ ఇచ్చే అవకాశం లేనప్పుడు.. ఆమెలాంటి వారితో సినిమాలు చేయటం ద్వారా.. తమ సినిమాలకు క్రేజ్ తెచ్చుకోవాలన్న ఆశను కొంతమంది నిర్మాతలు ప్రదర్శిస్తుంటారు.

స్నేహ ఉల్లాల్ దీనికి పెద్ద ఎగ్జాంఫుల్. నటన పరంగా ఆమె దగ్గర అంత టాలెంట్ లేనప్పటికి.. లుక్స్ పరంగా ఐష్ ను పోలి ఉన్న ఆమెకు పలు భాషా చిత్రాల్లో అవకాశాలు వచ్చాయి. ఐష్ కారణంగా ఇప్పటికే పలువురు సెలబ్రిటీ స్టేటస్ ను సొంతం చేసుకున్నారు. తాజాగా ఆ జాబితాలోకి చేరనున్నారు ఆశ్రిత రాథోడ్. చూసినంతనే ఐష్ ను గుర్తుకు తెచ్చేలా ఉండే ఆమె రూపం.. ఐష్ డైలాగ్స్ ను ఆమె మాదిరి చెప్పే టాలెంట్ తోడు కావటంతో ఆమె సోషల్ మీడియాలో హాట్ టాపిక్ గా మారుతున్నారు.

ఐష్ డైలాగ్స్ ను.. పాటల్ని పాడేస్తూ తన ఫాలోవర్స్ ను ఫిదా చేస్తోంది. ఇంకెందుకు ఆలస్యం సినిమాలో ఛాన్సుల కోసం ప్రయత్నించొచ్చుగా అన్న సలహాల్ని పలువురు ఇచ్చేస్తున్నారు. ఐష్ ను పోలి ఉండే స్నేహా ఉల్లాల్ మాత్రమ కాదు.. మరాఠీ నటి మాన్సి నాయక్.. పాక్ వైద్యురాలు అమ్నా ఇమ్రాన్ లు పేరు తెచ్చుకున్నారు. వారి సరసన ఆశ్రిత రాథోడ్ కూడా నిలుస్తారనటంలో సందేహం లేదు. మరి.. తెలుగు నిర్మాతల కంట్లో ఆశ్రిత పడితే అవకాశాలు ఖాయమని చెప్పక తప్పదు.