పిక్ టాక్: పవన్ ని మించిపోయిన తనయుడు అకీరా..!

పవర్‌ స్టార్ పవన్ కళ్యాణ్ - రేణు దేశాయ్ దంపతుల కుమారుడు అకీరా నందన్ కు సోషల్ మీడియాలో ఉండే ఫాలోయింగ్ గురించి ప్రత్యేకంగా చెప్పక్కర్లేదు. తెలుగు సిల్వర్ స్క్రీన్ పై అకీరా కనిపించకపోయినా, మిగతా మెగా హీరోల రేంజ్ లో ఈ స్టార్ కిడ్ కి క్రేజ్ ఉంది. మెగా అభిమానులు మొదటి నుంచీ కూడా అకీరాపై ఫుల్ ఫోకస్ పెడుతూ వస్తున్నారు. అతని బర్త్ డే నాడు సోషల్ మీడియాలో హంగామా చేస్తూ నేషనల్ వైడ్ ట్రెండ్ చేస్తుంటారు. ఇక పవన్ - అకీరా ఒక ఫ్రేమ్ లో కనిపించారంటే ఫ్యాన్స్ కి పండగే. ఈ క్రమంలో తాజాగా పవర్‌ స్టార్ - లిటిల్ పవర్‌ స్టార్ కలిసి ఉన్న లేటెస్ట్ పిక్ ఒకటి బయటకు వచ్చింది.

6 అడుగుల 4 ఇంచుల హైట్ ఉండే అకీరా నందన్ తన తండ్రి పవన్ పక్కన నిల్చోని ఉన్న ఈ ఫొటో ప్రస్తుతం సోషల్ మీడియాను షేక్ చేస్తోంది. ఎత్తులో తండ్రిని మించి పోయిన అకీరా.. చక్కటి ఫిజిక్ తో పవన్-రేణు దేశాయ్ అందం కలబోసి చూడముచ్చటగా ఉన్నాడు. తండ్రీకొడుకులని ఒకే ఫ్రేమ్ లో చూసిన మెగా ఫ్యాన్స్ ఖుషీ అవుతున్నారు. వాస్తవానికి మెగా వారసుడు అకీరా ఏదైనా ఫ్యామిలీ ఫంక్షన్స్ లో కుటుంబ సభ్యులతో కలిసి కనిపించాడంటే.. హైట్ కారణంగా ఫ్రేమ్‌ లో అతనే హైలెట్ అవుతుంటాడు. ఇప్పుడు ఈ ఫొటోలో కూడా అకీరా నే హైలైట్ అయ్యాడు.

ప్రస్తుతం సోషల్ మీడియాలో వైరల్ అవుతున్న ఈ ఫోటో.. అకీరాను పవన్ మ్యూజిక్ క్లాస్ కు తీసుకెళ్లిన సందర్భంగా తీసుకున్నదని నెటిజన్స్ కామెంట్స్ చేస్తున్నారు. మెగా వారసుడి ఎంట్రీ ఎప్పుడని అడుగుతున్నారు. నిజానికి అకిరా నందన్ ఆల్రెడీ మరాఠీలో ఓ సినిమా చేశాడు. తన తల్లి రేణు దేశాయ్ తెరకెక్కించిన 'ఇష్క్ వాలా లవ్' సినిమాలో నటించాడు. ఈ క్రమంలో టాలీవుడ్ లో కూడా లాంచ్ చేస్తారేమో చూడాలి. ఇకపోతే కరోనా బారి నుంచి బయటపడిన పవన్ కళ్యాణ్.. ఇలా తనయుడు అకీరాతో కలిసి కనిపించడంతో అభిమానులు ఈ ఫోటోను నెట్టింట వైరల్ చేసేస్తున్నారు.