`వాల్తేర్ వీర‌న్న` ఊర మాస్ బెస్త‌వాడిగా పూన‌కాలేనా?

మెగాస్టార్ చిరంజీవి పుట్టిన రోజు సంద‌ర్భంగా అభిమానుల‌కు బిగ్ ట్రీట్ ఇచ్చిన సంగ‌తి తెలిసిందే. వ‌రుస‌గా మెగాస్టార్ చేయ‌బోయే చిత్రాల టైటిల్స్ ని ప్ర‌క‌టిస్తూ.. వ‌రుస‌ అప్ డేట్స్ తో మెగాభిమానుల్లో ఎగ్జ‌యిట్ మెంట్ రెట్టింపు అయింది. మోహ‌న్ రాజాతో `గాడ్ ఫాద‌ర్`.. బాబీతో `వాల్తేర్ వీర‌న్న‌`.. మెహ‌ర్ ర‌మేష్ తో `భోళా శంక‌రుడు` లాంటి చిత్రాలు చేస్తున్నారు. తొలుత కొర‌టాల శివ ద‌ర్శ‌క‌త్వంలో తెర‌కెక్కుతోన్న `ఆచార్య` ప్రేక్ష‌కుల ముందుకు రానుంది. ఇప్పటికే చిత్రీక‌ర‌ణ పూర్తి చేసుకున్న ఈ మూవీ నిర్మాణానంతర ప‌నుల్లో ఉంది.

ప్ర‌స్తుతం చిరంజీవి మోహ‌న్ రాజా ద‌ర్శ‌క‌త్వంలో `గాడ్ ఫాద‌ర్` లో న‌టిస్తున్నారు. ఇది మెగాస్టార్ కి 153వ చిత్రం. లూసీఫ‌ర్ రీమేక్ గా రూపొందుతున్న ఈ చిత్రంలై టైటిల్ కి త‌గ్గ‌ట్టే బాస్ పాత్ర ప‌వ‌ర్ ఫుల్ గా ఉండ‌నుంది. ఇందులో స‌ల్మాన్ ఖాన్ ఓ కీల‌క పాత్ర‌ను పోషించ‌నున్నారు. ఈ సినిమా షూటింగ్ పూర్త‌యిన వెంట‌నే 154వ చిత్రం బాబి ద‌ర్శ‌క‌త్వంలో ఉంటుంది. బాబీ చిత్రానికి `వాల్తేరు వీర‌న్న` అనే టైటిల్ ప్ర‌చారం లో ఉంది. ఈ నేప‌థ్యంలో తాజాగా మ‌రో ఇంట్రెస్టింగ్ అప్ డేట్ అందింది. ఇప్ప‌టికే బాబి సినిమా మెగా ఫ్యాన్ బేస్డ్ స్క్రిప్ట్ అని రివీల్ అయింది. ఈ విష‌యాన్ని బాబినే ప్ర‌క‌టించారు. స‌ముద్రం నేప‌థ్యంలో సాగే చిత్రమిద‌ని మెగా బ‌ర్త్ డే పండ‌గ రోజు రిలీజైన‌ పోస్ట‌ర్ వెల్ల‌డించింది. మెగాస్టార్ మ‌త్స్య‌కారుడి పాత్ర‌లో క‌నిపించ‌నున్నార‌నే హింట్ కూడా ఇచ్చారు. దీన్ని బ‌ట్టి మెగాస్టార్ పాత్ర ఎంత ఊర మాసీ గా ఉంటుందో ఊహించొచ్చు. అలాంటి పాత్ర‌ల్లో చిరంజీవి గ‌త రికార్డ్ అసాధార‌ణం. అత‌డు మ‌రోసారి పూర్తి మాస్ అప్పిరియ‌న్స్ తో ఉర్రూత‌లూగిస్తార‌ని భావించవ‌చ్చు. మ‌రి వాల్తేరు వీర‌న్న అన్నే టైటిల్ ని బాబి టీమ్ అధికారికంగా వెల్ల‌డించాల్సి ఉంది. ఇది చిరు కోస‌మే రిజిస్ట‌ర్ చేయించిందే అయితే మాస్ ఆడియ‌న్స్ లోకి సినిమా ఓ రేంజ్ లో దూసుకుపోతుందన‌డంలో సందేహ‌మేం లేదు.

టైటిల్ ని బ‌ట్టి ఇది విశాఖ‌ప‌ట్ణంలోని ఫేమ‌స్ సెంట‌ర్ అయిన వాల్తేరుకు చెందిన‌ మెగాభిమాని క‌థ‌గా భావించ‌వ‌చ్చు. మ‌త్స‌కారుల వ‌ర్గంలో చాలా మంది మెగాస్టార్ డై హార్ట్ ఫ్యాన్స్ ఉన్నారు. మెగాస్టార్ మాస్ పాత్ర‌ల్ని ఇమిటేట్ చేయ‌డంలో. .బాస్ మ్యాన‌రిజ‌మ్ చూపించ‌డంలో మ‌త్స‌కార యువ‌త చాలా ప్యాష‌నేట్ గా భావిస్తారు. ఈ నేప‌థ్యంలో చిరంజీవి `వాల్తేరు వీర‌న్న` లుక్ లో అద‌ర‌గొట్ట‌డం ఖాయం అన్న చ‌ర్చ సాగుతోంది. ఈ సినిమాని ముఠామేస్త్రి .. రౌడీ అల్లుడు రేంజులో ఊహించుకుంటున్నారు. ఇక బాబి గ‌తంలో తెర‌కెక్కించినవ‌న్నీ ఊర‌మాస్ కాన్సెప్టులే కావ‌డంతో అత‌డు బాస్ ని మ‌రో లెవ‌ల్లో చూపిస్తార‌నే భావిస్తున్నారు. పూన‌కాలు లోడింగ్.. మాస్ మాన్ స్ట‌ర్ అంటూ ర‌క‌రకాల హ్యాష్ ట్యాగులు వైర‌ల్ అవుతుండ‌డంతో చిరు కెరీర్ లో ఇది వెరీ స్పెష‌ల్ అన్న టాక్ కూడా వినిపిస్తోంది.

ఆగ‌స్టు 22న‌ మెగాస్టార్ బ‌ర్త్ డే సంద‌ర్భంగా మాస్ లుక్ ని లాంచ్ చేస్తూ.. త‌న‌కు ఇంతటి అద్భుత అవ‌కాశాన్ని ఇచ్చిన మెగాస్టార్ కి కృత‌జ్ఞ‌త‌లు తెలిపారు బాబి. చిరుకు బ‌ర్త్ డే విషెస్ ని తెలిపారు. చిరు 154 ప్రీలుక్ లాంచ్ చేయ‌గానే అభిమానుల నుంచి వ‌చ్చిన స్పంద‌న‌కు ఓ ట్వీట్ ద్వారా బాబి ధ‌న్య‌వాదాలు తెలియ‌జేసారు. ప్రాణం పెట్టి నా ర‌క్తం చెమ‌ట‌ధార‌ల‌ను ఖ‌ర్చు చేసి హార్డ్ వ‌ర్క్ చేస్తాన‌ని మెగాభిమానుల‌కు ప్రామిస్ చేశారు. త‌న నిర్మాత‌లు.. మైత్రి అధినేత‌లు న‌వీన్ ఎర్నేని- ర‌విశంక‌ర్ ల‌కు బాబి ఈ సంద‌ర్భంగా కృత‌జ్ఞ‌త‌లు తెలిపారు.