#గుడ్ ఫ్రెండ్షిప్‌.. మంచు మోస‌గాళ్ల‌కు మెగా బూస్ట్

ఇండ‌స్ట్రీలో హీరోల మ‌ధ్య స్నేహం సాన్నిహిత్యం గురించి తెలిసిందే. ఒక‌రి సినిమాల‌కు మ‌రొక‌రు ప్ర‌చార సాయం చేస్తున్నారు. కుటుంబ సంబంధాలు కొన‌సాగిస్తూనే మంచి స్నేహంతో ఆహ్లాద‌క‌ర‌మైన వాతావ‌ర‌ణానికి కృషి చేస్తున్నారు. కొంద‌రు స్టార్ హీరోలు యువ హీరోల‌కు త‌మ సొంత బ్యాన‌ర్ లో అవ‌కాశాలిస్తూ సినిమాలు నిర్మించ‌డం కొత్త ట్రెండ్.

ఇక‌పోతే ఇండ‌స్ట్రీలో మెగా ‌హీరోల‌తో మంచు హీరోల స్నేహం గురించి తెలిసిన‌దే. మంచు విష్ణు.. మ‌నోజ్.. రామ్ చ‌ర‌ణ్‌కి క్లోజ్ ఫ్రెండ్స్. ఆ ఇద్ద‌రి సినిమాల‌కు చ‌ర‌ణ్ విధిగా ప్ర‌చార సాయం చేస్తున్నారు. ఇటీవ‌ల రిలీజైన మంచు విష్ణు `మోస‌గాళ్లు` చిత్రానికి చెర్రీ ప్ర‌చార‌ సాయం చేశారు. ``మోస‌గాళ్లుకు పాజిటివ్ రెస్పాన్స్ వినిపిస్తోంది. టీమ్ కి శుభాకాంక్ష‌లు. నా సోద‌రుడు విష్ణు విజ‌యానికి చాలా సంతోషంగా ఉంద``‌ని విషెస్ తెలిపారు. మోస‌గాళ్లు చిత్రంలో న‌టించిన బాలీవుడ్ న‌టుడు సునీల్ శెట్టి గురించి ప్ర‌త్యేకించి ప్ర‌స్థావించారు చ‌ర‌ణ్‌. విష్ణు-కాజ‌ల్-సునీల్ స‌హా చ‌క్క‌ని పెర్ఫామెన్స్ తో ఆక‌ట్టుకున్న టీమ్ కి శుభాకాంక్ష‌లు. ఈ సినిమా వీక్షించండి.. అని చ‌ర‌ణ్ కోరారు.

మొత్తానికి మంచు మోస‌గాళ్ల‌కు చ‌ర‌ణ్ ప్ర‌మోష‌నల్ సాయం బావుంది. అయితే ఈ సినిమాకి తొలి రోజు క్రిటిక్స్ నుంచి మిశ్ర‌మ స్పంద‌న‌లు వ్య‌క్త‌మైన సంగ‌తి తెలిసిందే. ఎంపిక చేసుకున్న పాయింట్ బావున్నా..తెర‌కెక్కించిన విధానం అంతంత మాత్ర‌మేన‌ని సిల్లీ ఎలిమెంట్స్ నిరాశ‌ప‌రిచాయ‌ని విమ‌ర్శ‌లొచ్చాయి.