సానియా మీర్జా చెల్లి పెళ్లిలో మెగా సంద‌డి

టీమిండియా మాజీ కెప్టెన్ మ‌హ్మ‌ద్ అజ‌హ‌రుద్దీన్ త‌న‌యుడు-టెన్నీస్ క్రీడాకారిణి సానియా మీర్జా చెల్లెలు ఆన‌మ్ వివాహం హైద‌రాబాద్ లో అంగ‌రంగ వైభ‌వంగా జ‌రిగింది. కాగా రిసెస్ఫ‌న్ కార్య‌క్ర‌మం శంషాబాద్ లోని పోర్ట్ గ్రాండ్ క‌న్వెన్ష‌న్ సెంట‌ర్ లో గ్రాండ్ గా జ‌రిగింది. ఈ రిసెప్ష‌న్ కి తెలంగాణ సిఎం కేసీఆర్.. మంత్రి కేటీఆర్ స‌హా ప‌లువురు ప్ర‌ముఖులు హాజ‌ర‌య్యారు. అలాగే టాలీవుడ్ నుంచి మెగా దంప‌తులు రామ్ చ‌ర‌ణ్- ఉపాస‌న‌ హాజ‌ర‌య్యారు. ఈ సంద‌ర్భంగా అజహరుద్దీన్.. సానియా.. చెర్రీ.. ఉపాసనలు ఎంతో హుషారుగా క‌లిసి మాట్లాడుకుంటోన్న ఫోటోలు సోష‌ల్ మీడియాలో వైర‌ల్ గా మారాయి.

ఇక రామ్ చ‌ర‌ణ్‌..సానియా చాలా కాలంగా మంచి స్నేహితులు. ఉపాస‌న‌తోనూ సానియా ఎంతో క్లోజ్. ఆ ఆప్యాయ‌త .. స్నేహానుబంధం ఈ రిసెప్ష‌న్ లో క‌నిపించింది. ఇక ఈవెంట్ ఆద్యంతం మెగా దంప‌తులు ప్ర‌త్యేక ఆక‌ర్ష‌ణ‌గా నిలిచారు. ఈ పెళ్లి వేడుక‌లో రామ్ చ‌ర‌ణ్ కొత్త లుక్ లో ద‌ర్శ‌న‌మిచ్చాడు. మీసాలు.. గ‌డ్డం ట్రిమ్ చేసి యూత్ ఫుల్ గా క‌నిపించారు. అల్లూరి సీతారామ రాజు పాత్ర‌కు సంబంధించి కొంత షూటింగ్ పార్ట్ పూర్త‌యిన నేప‌థ్యంలో చ‌ర‌ణ్ మీసాలు..గ‌డ్డం ట్రిమ్ చేసార‌ట‌.

అజ‌హార్ కు టాలీవుడ్ లో చాలా మంది స్నేహితులున్నారు. కానీ త‌న‌యుడి పెళ్లిలో చ‌ర‌ణ్ త‌ప్ప వేరొక‌ సెల‌బ్రిటీ క‌నిపంచ‌లేదు. రిసెప్ష‌న్ కు సంబంధించి మ‌రిన్ని ఫోటోలు బ‌య‌ట‌కు వ‌స్తే త‌ప్ప టాలీవుడ్ నుంచి ఎంత మంది హాజ‌ర‌య్యారన్న దానిపై క్లారిటీ రాదు.