మెగా డాటర్ 'హలో వరల్డ్‌' ఫస్ట్‌ లుక్‌

ప్రముఖ ఓటీటీ జీ5 తో కలిసి మెగా డాటర్ నిహారిక తన బ్యానర్ లో నిర్మిస్తున్న తెలుగు వెబ్‌ సిరీస్ హలో వరల్డ్‌. ఇటీవలే షూటింగ్‌ ప్రారంభం అయిన ఈ వెబ్ సిరీస్ ను అతి త్వరలోనే స్ట్రీమింగ్‌ చేయబోతున్నారు. ఈ విషయం ను జీ5 అధికారికంగా ప్రకటించింది. ఈ వెబ్ సిరీస్ లో కీలక పాత్రలో నటిస్తున్న అనిల్ జీలా పుట్టిన రోజు సందర్బంగా ఫస్ట్‌ లుక్ ను విడుదల చేశారు.

యూట్యూబర్ గా తెలుగు ప్రేక్షకులకు సుపరిచితుడు అయిన అనిల్ జీలా ఇప్పటికే పలు సినిమాల్లో నటించాడు. ఎక్కువ శాతం సినిమాల్లో హీరోలకు స్నేహితుడి పాత్రలో కనిపించాడు. కాని ఈ సినిమా లో ప్రధాన పాత్రలో కనిపించబోతున్నాడు. అనిల్ జీలా ఈ సినిమాలో ఒక పల్లెటూరు కుర్రాడిగా కనిపించబోతున్నట్లుగా తాజా గా విడుదల అయిన ఫస్ట్‌ లుక్ ను చూస్తే అర్థం అవుతుంది.

జీ5 ట్విట్టర్‌ ద్వారా హలో వరల్డ్‌ వెబ్ సిరీస్‌ కు సంబంధించిన ఫస్ట్‌ లుక్ ను విడుదల చేసి అంచనాలు భారీగా పెంచారు.

ఈ వెబ్ సిరీస్ ప్రతి ఒక్కరికి కనెక్ట్ అయ్యే కాన్సెప్ట్‌ తో రూపొందుతున్నట్లుగా ఫస్ట్‌ లుక్ ను చూస్తుంటే అర్థం అవుతుంది. నిహారిక కొణిదెల గత కొన్నాళ్లుగా సినిమాలకు దూరం ఉంది. మళ్లీ ఈ వెబ్‌ సిరీస్ నిర్మాణంతో ఆమె బిజీ అవ్వబోతుంది.

ఈ వెబ్‌ సిరీస్ నిర్మాణ వ్యవహారాలను నిహారికతో పాటు ఆమె భర్త కూడా చూసుకుంటున్నాడు. ఈ వెబ్‌ సిరీస్ ను కథానుసారంగా కాస్త రిచ్‌ గానే తెరకెక్కిస్తున్నట్లుగా తెలుస్తోంది. తెలుగు లో వెబ్ సిరీస్ లకు ఇప్పుడిప్పుడే ఆదరణ లభిస్తుంది. కనుక ఈ వెబ్‌ సిరీస్ కు ఎలాంటి రెస్పాన్స్ వస్తుంది అనేది చూడాలి.

ఇక ఈ వెబ్‌ సిరీస్ కు శివ సాయి వర్ధన్‌ దర్శకత్వం వహిస్తున్నాడు. ఈ వెబ్‌ సిరీస్ లో ఆర్యన్‌ రాజేష్‌... సదా.. నిఖిల్‌.. రామ్ నితిన్ తదితరులు కీలక పాత్రల్లో కనిపించబోతున్నారు. ఈ వెబ్‌ సిరీస్‌ స్ట్రీమింగ్ తేదీని త్వరలో ప్రకటించబోతున్నారు.