'జాంబీరెడ్డి' సినిమాపై మెగా డాటర్ అభిప్రాయం..!

తేజ స‌జ్జ ని హీరోగా ప‌రిచ‌యం చేస్తూ 'అ' ఫేమ్ ప్రశాంత్‌ వ‌ర్మ రూపొందించిన చిత్రం ‘జాంబీ రెడ్డి’. దక్ష‌ - ఆనంది క‌థానాయిక‌లుగా న‌టించారు. ఆపిల్ ట్రీ బ్యానర్ పై రాజశేఖర్ వర్మ ఈ చిత్రాన్ని నిర్మించారు. తెలుగులో తొలి జాంబీ మూవీగా శుక్రవారం ప్రేక్షకుల ముందుకు వచ్చింది. టీజర్ ట్రైలర్స్ తో ఇదో కొత్త రకం జానర్ సినిమాగా ఇంట్రెస్ట్ క్రియేట్ చేసిన జాంబీరెడ్డి.. ఫస్ట్ డే మిశ్రమ స్పందన తెచ్చుకుంది. అయినప్పటికీ డీసెంట్ కలెక్షన్స్ రాబడుతున్నట్టు ట్రేడ్ వర్గాలు చెబుతున్నాయి. ఈ నేపథ్యంలో 'జాంబీరెడ్డి' చిత్రాన్ని గీతా డిస్ట్రిబ్యూషన్ రిలీజ్ చేసింది. ఫస్ట్ డే మిశ్రమ స్పందన తెచ్చుకున్నా డీసెంట్ కలెక్షన్స్ రాబట్టినట్లు తెలుస్తోంది. ఈ నేపథ్యంలో తాజాగా మెగా డాటర్ నిహారిక 'జాంబీ రెడ్డి' సినిమా చూసి త‌న అభిప్రాయాన్ని సోష‌ల్ మీడియా ద్వారా వెల్లడించింది.

నిహారిక ఇన్‌స్టాగ్రామ్ స్టేటస్ ద్వారా తెలియజేస్తూ.. ''ఇప్పుడే జాంబీరెడ్డి సినిమా చూశాను. తెలుగులో మొట్ట మొదటి జాంబీ చిత్రంగా బాగా ఎంటర్టైన్ చేశారు. కామెడీ అదిరిపోయింది. ప్రశాంత్ వర్మ నువ్వు చించేశావ్. తేజ డెబ్యూ మూవీలో అద్భుతంగా నటించావు. నీ 20 ఏళ్ల అనుభవం కనిపించింది. దక్ష, ఆనంది, గెటప్ శ్రీను, హేమంత్ ఇలా అందరూ బాగా నటించారు. మార్క్స్ అందించిన సంగీతంతో సినిమా మరో స్థాయికి వెళ్లింది. బ్లడీ బ్లాక్ బస్టర్ కొట్టినందుకు జాంబీరెడ్డి టీమ్ మొత్తానికి కంగ్రాట్స్'' అంటూ పోస్ట్ చేసింది. ఇకపోతే గీతా డిస్ట్రిబ్యూషన్ రిలీజ్ చేసిన 'జాంబీరెడ్డి' సినిమాకి మొదటి నుంచి కూడా మెగా ఫ్యామిలీ సపోర్ట్ చేసింది. వరుణ్ తేజ్ ప్రీ రిలీజ్ ఈవెంట్ కి హాజరైన సంగతి తెలిసిందే.