బోయపాటీ.. అభిమానులకు డౌట్ కొడుతోంది.

అభిమాన హీరో సినిమా షూటింగ్ స్టార్టయి చకచకా షూటింగ్ జరిగిపోతోందంటే ఫ్యాన్స్ తెగ ఉత్సాహపడిపోతారు. దీనికి రివర్స్ లో షూటింగ్ మొదలై ఒక షెడ్యూల్ కూడా అయిపోయిందని తెలిసి బెంగ పెట్టుకోవడం అంటే కాస్త వెరైటీయే. కానీ ఇప్పుడు మెగా అభిమానుల పరిస్థితి ఇదే. సెంటిమెంట్లకు సంబంధించి పాత లెక్కలు చూసుకుని ఆరంభంలోనే అపశకునం ఎదురవుతోందని ఒకింత వర్రీ అవడం మొదలెట్టారు.

మెగా పవర్ స్టార్ రామ్ చరణ్ తేజ్ హీరోగా సుకుమార్ దర్శకత్వంలో చేస్తున్న పీరియాడికల్ మూవీ రంగస్థలం షూటింగ్ దాదాపుగా కొలిక్కొచ్చింది. దీని తరవాత మాస్ చిత్రాల దర్శకుడు బోయపాటి శ్రీను డైరెక్షన్ లో సినిమా చేయడానికి రామ్ చరణ్ పచ్చజెండా ఊపాడు. పరిస్థితులు అన్నీ అనుకూలించడంతో బోయపాటి షూటింగ్ మొదలుపెట్టేశాడు. మొదలుపెట్టడమే కాదు.. అసలు రామ్ చరణ్ ఒక్క సీన్ తీయకుండానే ఒక షెడ్యూల్ పూర్తి చేసేశాడు. ఇంతవరకు బాగానే ఉన్నా ఇక్కడే అభిమానులకు డౌట్ కొడుతోంది. ఇంతకుముందు శ్రీను వైట్ల కూడా బ్రూస్ లీ సినిమా తీసినప్పుడు ఇలాగే రామ్ చరణ్ లేకుండానే తొలి షెడ్యూల్ పూర్తి చేశాడు.

బ్రూస్ లీ కమర్షియల్ గా ఫ్లాప్ కావడమే కాదు.. రామ్ చరణ్ కు ఓ మైనస్ మార్క్ గా మిగిలింది. సెంటిమెంటల్ అచ్చిరాని విధంగా బోయపాటి ముందుకెళ్తున్నాడని ఫ్యాన్స్ అంటున్నారు. అసలే రంగస్థలం టీజర్ చూశాక ఫ్యాన్స్ మాంచి హుషారు మీదున్నారు. బోయపాటి షూటింగ్ చేస్తున్నా తమ ఆనందంపై నీళ్లు జల్లేలా ఉందని వారు కొందరు అభిమానులు ఫీలయిపోతున్నారు.