మెగా ఫ్యాన్స్ కి అఖిల్ నచ్చేశాడు

టాలీవుడ్ కి సంబంధించినంతవరకూ.. డ్యాన్సులంటే అక్కినేని నాగేశ్వరరావు తీసుకొచ్చినవే. చిరంజీవి ఆ డ్యాన్సుల్లో, స్టెప్పుల్లో స్పీడ్ పెంచేసి, కొత్తదనాన్ని పరిచయం చేశారు. ఒక వేళ మీ ఫేవరేట్ డ్యాన్సర్ ఎవరు అనే ప్రశ్న చిరుకు ఎదురైతే.. ఆయన ఇచ్చే ఆన్సర్ ఖచ్చితంగా ఏఎన్నార్ అనే. మరి అఖిల్ మాత్రం డిఫరెంట్ ఆన్సర్ తో.. అందరికీ మైండ్ బ్లోయింగ్ షాక్ ఇచ్చాడు.

మీ దృష్టిలో టాలీవుడ్ లో బెస్ట్ డ్యాన్సర్ ఎవరు ? ట్విట్టర్ లో అభిమానులతో చిట్ చాట్ లో అఖిల్ కి ఎదురైన ప్రశ్న ఇది. ఈ క్వశ్చన్ కి అఖిల్ ఇచ్చిన ఆన్సర్ మైండ్ బ్లోయింగ్. 'చిరంజీవి గారు, ఆయన రీ ఎంట్రీ కోసం ఎదురుచూస్తున్నా' అనేశాడు అఖిల్. అసలు అక్కినేని వారసుడి నుంచి ఎవరూ ఎక్స్ పెక్ట్ చేయని ఆన్సర్ ఇది.

ఇలా అఖిల్ ఓపెన్ గా మాట్లాడ్డానికి కొన్ని రీజన్స్ ఉన్నాయి. ఈ జనరేషన్ హీరోలైన రామ్ చరణ్ - అఖిల్ లు మంచి స్నేహితులు. అలాగే చిరంజీవి - నాగార్జునలు కూడా ఫ్రెండ్స్ - అంతే కాదు బిజినెస్ పార్ట్నర్స్ కూడా. అందుకేే ఈ రెండు ఫ్యామిలీల మధ్య బాగా అటాచ్ మెంట్ పెరిగింది.