మళ్లీ పోలీసోడిగా మెరవనున్న మెగా హీరో.. కథ లీక్!

మెగా హీరో రాంచరణ్ ప్రస్తుతం ఆర్ఆర్ఆర్ సినిమా షూటింగ్ లో బిజీ ఉన్నాడు. పాన్ ఇండియా సినిమాగా తెరకెక్కుతున్న ఈ సినిమా 2021 ఆరంభంలో విడుదల చేస్తామని రాజమౌళి టీమ్ ప్రకటించిన విషయం తెలిసిందే. ఇక ఈ ఏడాది ఆఖరుకి ఆర్ఆర్ఆర్ సినిమా షూటింగ్ పూర్తి చేస్తామని అంటున్నారు. అయితే ఈ సినిమా తర్వాత మెగా హీరో రాంచరణ్ తదుపరి సినిమా ఎవరితో చేస్తాడనేది ఆసక్తిగా మారింది. ఇదివరకు కొందరి పేర్లు సోషల్ మీడియాలో చక్కర్లు కొట్టాయి. ఇప్పటికే ఎన్టీఆర్ తదుపరి సినిమా త్రివిక్రమ్ శ్రీనివాస్ తో ప్లాన్ చేసాడు. మరి ఇప్పుడు రాంచరణ్ సంగతి ఏంటని చర్చ నడుస్తుంది. ఇదిలా ఉండగా మొన్నటి వరకు జెర్సీ ఫేమ్ దర్శకుడు.. గౌతమ్ తిన్ననూరి దర్శకత్వంలో చేయబోతునట్లు టాక్ వినిపించింది. అయితే అందులో వాస్తవం లేదని గౌతమ్ క్లారిటీ ఇచ్చాడు.

అయితే రాంచరణ్ తదుపరి సినిమా గురించి ఓ ఆసక్తికరమైన న్యూస్ సోషల్ మీడియాలో హల్చల్ చేస్తుంది. ఇండస్ట్రీలోని ఓ బడా నిర్మాత.. టాలీవుడ్ హిట్ మూవీ డైరెక్టర్ కి అడ్వాన్స్ ఇచ్చి రామ్ చరణ్ కోసం మంచి కథని సిద్ధం చేయించినట్లు తెలుస్తుంది. ఆ కథ పై అనేక ఊహాగానాలు వ్యక్తం అవుతుండగా.. చరణ్ నెక్స్ట్ మూవీలో పోలీస్ అధికారి పాత్ర చేయనున్నాడని టాక్. అయితే ఆస్థికోసం ఓ పాపను వెంటాడే గ్యాంగ్ నుండి కాపాడే పోలీస్ అధికారిగా చరణ్ పాత్ర ఉంటుందని విస్తృత ప్రచారం జరుగుతుంది. ఇక ఈ సినిమా కమర్షియల్ జోనర్ లో ఉంటూనే ఎమోషనల్ ఎలిమెంట్స్ తో ఉండబోతుందని సమాచారం. అన్ని అనుకూలంగా జరిగితే వచ్చే ఏడాది ఆరంభంలో ఈ సినిమా సెట్స్ పైకి వెళ్ళే అవకాశం ఉందట. మరి అసలు విషయాలు తెలియాలంటే కొంతకాలం వెయిట్ చేయాల్సిందే.