మెగా హీరో పేరు మ‌ళ్లీ అక్క‌డ రీసౌండ్ ఇస్తోంది!

'బాహుబ‌లి' త‌రువాత భారతీయ సినిమా గురించి యావ‌త్ ప్ర‌పంచం ఆశ్చ‌ర్యంగా చ‌ర్చించేలా టాక్ ఆఫ్ ది వ‌ర‌ల్డ్‌గా నిలిచిన పాన్ ఇండియా మూవీ 'RRR'. ఒక విధంగా చెప్పాలంటే ప్రైడ్ ఆఫ్ ఇండియన్ సినిమాగా 'RRR' వార్త‌ల్లో నిలిచింది. మెగా ప‌వ‌ర్ స్టార్ రామ్ చ‌ర‌ణ్‌, యంగ్ టైగ‌ర్ ఎన్టీఆర్ ల‌తో జ‌క్క‌న్న అత్యంత ప్ర‌తిష్టాత్మ‌కంగా డిఫ‌రెంట్ స్టోరీ నెరేష‌న్ తో రూపొందించిన తీరు ప్ర‌తీ ఒక్క‌రినీ విశేషంగా ఆక‌ట్టుకుంది. 1920. ప్రీ ఇండిపెండెన్స్ కాలం నాటి ఫిక్ష‌న‌ల్ స్టోరీతో హాలీవుడ్ మేకింగ్ కి ఏ మాత్రం తీసిపోని స్థాయిలో రూపొందించిన తీరు ప్ర‌శంస‌లు కురిపించింది.

భార‌త‌దేశంలోనే కాకుండా ఇత‌ర దేశాల్లోనూ విదేశీ సినీ ప్రియులు కూడా ఈ మూవీకి బ్ర‌హ్మ‌ర‌థం ప‌ట్టారు. అమెరిక‌న్ లు, ఇత‌ర దేశాల‌కు చెందిన నాన్ ఇండియ‌న్స్.. హాలీవుడ్ సినిమాల‌ని మాత్ర‌మే ఆద‌రించే వారు కూడా 'RRR'ని ప్ర‌త్యేకంగా వీక్షించి తీసిన వాళ్లు ఎవ‌రు?.. న‌టించిన ఈ న‌టీన‌టులు ఎవ‌రంటూ నెట్టింట సెర్చ్ చేయ‌డం మొద‌లు పెట్టారు. నెట్ ఫ్లిక్స్ లో స్ట్రీమింగ్ మొద‌లైన త‌రువాతే ఈ హంగామా మొద‌లైంది. దీంతో ఇప్ప‌టి వ‌ర‌కు ఏ ఇండియ‌న్ సినిమా రీచ్ కాని విధంగా గ్లోబ‌ల్ మూవీగా 'RRR' పేరు తెచ్చుకుంది.

దీంతో ఈ మూవీ హాలీవుడ్ స్టార్స్ తో పాటు టెక్నీషియ‌న్స్ లోనూ హాట్ టాపిక్ గా మారింది. గ్లోబ‌ల్ గా పాపుల‌ర్ కావ‌డంతో 'RRR' ఆస్కార్ అవార్డ్ ఖాయం అంటూ ప్ర‌చారం భారీ ఎత్తున మొద‌లైంది. మ‌న వాళ్ల‌తో పాటు హాలీవుడ్ స్టార్స్‌, ఆడియ‌న్స్ 'RRR' ఆస్కార్ రేస్ లో నిలుస్తుంద‌ని, ఆస్కార్ బ‌రిలో నిల‌పాల‌ని నెట్టింట వ‌ర‌ల్డ్ వైడ్ గా ప్ర‌చారం చేయ‌డం మొద‌లు పెట్టారు. రీసెంట్ గా ఆస్కార్ ట్విట్ట‌ర్ హ్యాండిల్ కు 'RRR' గురించి ప‌లువురు విదేశీ ప్రేక్ష‌కులు ట్వీట్ లు చేయ‌డం తెలిసిందే.

ఇదిలా వుంటే ఆస్కార్ రిలో 'RRR' కార‌ణంగా కొమురం భీం పాత్ర‌లో న‌టించిన యంగ్ టైగ‌ర్ ఎన్టీఆర్ నిల‌వ‌డం ఖాయం అంటూ వార్త‌లు మొద‌ల‌య్యాయి. చాలా మంది ఎన్టీఆర్ కు ఆస్కార్ ఖాయం అంటూ ప్రిడిక్ష‌న్ చేయ‌డం మొద‌లు పెట్టారు. చాలా మంది హాలీవుడ్ స్టార్స్ కూడా ఎన్టీఆర్ న‌ట‌నని ప్ర‌త్యేకంగా కోట్ చేస్తూ ప్ర‌శంస‌లు కురిపించ‌డంతో ఈ ప్ర‌చారం మ‌రింత ఊపందుకుంది.

ఇదిలా వుంటే తాజాగా మెగా హీరో పేరు మ‌ళ్లీ అక్క‌డ రీసౌండ్ ఇవ్వ‌డం మొద‌లు పెట్టింది. ఇప్ప‌టికే యంగ్ టైగ‌ర్ కు ఆస్కార్ ఖాయం అంటూ వెరైటీ' మ్యాగ‌జైన్ లో ప్ర‌చూరించిన నేప‌థ్యంలో తాజా ప్రిడిక్ష‌న్స్ లో మెగా ప‌వ‌ర్ స్టార్ రామ్ చ‌ర‌ణ్ పేరు కూడా రీసౌండ్ ఇవ్వ‌డం ప్రాధాన్య‌త‌ను సంత‌రించుకుంది.

ఉత్త‌మ న‌టుడు కేట‌గిరీలో ఎన్టీఆర్‌, రామ్ చ‌ర‌ణ్ ల పేర్లు ని ప్ర‌ముఖంగా వినిపిస్తూ చాలా మంది ప్రిడిక్ష‌న్ చేస్తున్నారు. ఈ ప్రిడిక్ష‌న్ నిజం కావాల‌ని ఎన్టీఆర్‌, చ‌ర‌ణ్ ఫ్యాన్స్ బ‌లంగా కోరుకుంటున్నారు. ఏం జ‌ర‌గ‌నుందో వేచి చూడాల్సిందే.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.