మెగా హీరోలంతా ఆరోజు ఒకే ఫ్రేములో?

మెగాస్టార్ చిరంజీవి 60వ పుట్టిన‌రోజు వేడుక‌లో మెగా హీరోలంతా సంద‌డి సంద‌డి చేశారు. ఈ వేడుక‌ల్లో ప‌వ‌న్‌ క‌ల్యాణ్ పాల్గొంటాడ? లేదా? అనుకుంటున్న టైమ్‌ లో ప‌వ‌న్ ఎంట్రీ ఇచ్చి స‌ర్‌ ప్రైజ్ చేశాడు. అభిమానుల‌కు నాగ‌బాబుకు మ‌ధ్య ఈ విష‌య‌మై వాగ్వాదం కూడా న‌డిచింది. ఏదేమైనా ప‌వ‌న్ వ‌చ్చాడు. అన్న‌య్య కోసం ప్రాణం ఇచ్చాడు. ఆ సంగ‌తి అభిమానుల‌కు అర్థ‌మైంది.

అయితే మ‌ళ్లీ ప‌వ‌న్ స‌మేతంగా మెగా హీరోలంతా ఒకే వేదిక‌పై క‌నిపించే సంద‌ర్భం ఏదైనా ఉందా? అంటే ఉంద‌నే చెబుతున్నారు మెగాభిమానులు. ప‌వ‌న్ త‌న‌కి ఎంతో ఇష్ట‌మైన వ‌రుణ్‌ తేజ్ కోసం త‌ప్ప‌కుండా వ‌స్తారు. ఈనెల 17న ఘ‌నంగా జ‌ర‌గ‌నున్న వ‌రుణ్‌ తేజ్ కంచె ఆడియో వేడుక‌కు ప‌వ‌న్ వస్తార‌ని, మెగా హీరోలంతా ఒకే ఫ్రేము లోకి వ‌స్తార‌ని, ఆ గ్రూప్ ఫోటో చూడ‌ముచ్చ‌ట‌గా ఉంటుంద‌ని చెప్పుకుంటున్నారు. ఇప్ప‌టికే వ‌రుణ్‌ తేజ్‌ ని పిలిచి ప‌వ‌న్ మెచ్చుకున్నారు. ట్రైల‌ర్ అదిరిపోయింద‌ని కితాబిచ్చారు. కాబ‌ట్టి ఆడియో కి త‌ప్ప‌క విచ్చేస్తాడ‌న్న‌ది గ‌ట్టి న‌మ్మ‌కం.

కంచె గాంధీ జ‌యంతి సంద‌ర్భంగా అక్టోబ‌ర్ 2 న రిలీజ‌వుతున్న సంగ‌తి తెలిసిందే. టాలీవుడ్‌ బాబులు మాత్రమే కాదు.. బాలీవుడ్‌ జనాలు కూడా సినిమాను ఓ రేంజులో పొగిడేస్తున్నారు. మన వాళ్ళు తీస్తున్న తొలి వార్‌ సినిమా ఇది. చూద్దాం మరి అవుట్‌ పుట్‌ ఎలా ఉంటుందో దానిని మెగా ఫ్యాన్స్‌ ఎలా ఆదరిస్తారో...