ఆ కవాతు వెనుక ఆ నిర్మాత క‌స‌ర‌త్తు?

జ‌న‌సేన అధినేత‌, సినీ న‌టుడు ప‌వ‌న్ క‌ల్యాణ్ కు హీరో అల్లు అర్జున్ కు మ‌ధ్య కొద్ది నెల‌ల క్రితం విభేదాలు వ‌చ్చాయ‌ని క‌థ‌నాలు వెలువ‌డిన సంగ‌తి తెలిసిందే. చెప్ప‌ను బ్ర‌ద‌ర్ అంటూ బ‌న్నీ చేసిన కామెంట్ తో ప‌వ‌న్ ఫ్యాన్స్ గుస్సా అయ్యారు. సీన్ క‌ట్ చేస్తే....నా పేరు సూర్య నా ఇల్లు ఇండియా ప్రోగ్రామ్ కు ప‌వ‌న్ హాజ‌ర‌వ‌డం...ఆ తర్వాత ఫిల్మ్ చాంబ‌ర్ ద‌గ్గ‌ర ప‌వ‌న్ కు బాస‌ట‌గా బ‌న్నీ క‌నిపించ‌డం జ‌రిగిపోయాయి. ఇంకా చెప్పాలంటే ప‌వ‌న్ రాజ‌కీయ ఆశ‌యాల సాధ‌న‌కోసం మెగా ఫ్యామిలీతోపాటు అల్లు ఫ్యామిలీ కూడా న‌డుం బిగించిన‌ట్లు తెలుస్తోంది. తాజాగా, నేడు రాజ‌మండ్రిలో జ‌నసేనాని త‌ల‌పెట్టిన క‌వాతు వెనుకు అల్లు ఫ్యామిలీకి అత్యంత స‌న్నిహితుడు, నిర్మాత బన్నీ వాసు ఉన్న‌ట్లు తెలుస్తోంది. వారం రోజులుగా రాజ‌మ‌హేంద్ర‌వ‌రంలో మ‌కాం వేసిన బ‌న్నీ వాసు ఆ క‌వాతుకు క‌ర్త‌ - క‌ర్మ‌ - క్రియ‌గా వ్య‌వ‌హ‌రించార‌ని టాక్ వ‌స్తోంది.

కొద్ది రోజుల క్రితం రాజ‌మండ్రి బ్రిడ్జి పై జ‌గ‌న్ యాత్ర‌కు జ‌నం పోటెత్తిన సంగ‌తి తెలిసిందే. జ‌న‌సందోహంగా మారిన ఆ బ్రిడ్జి ఫొటోలు ప‌వ‌న్ ను ఇన్ స్పైర్ చేసిన‌ట్లున్నాయి. అందుకే, ప్ర‌ఖ్యాత గోదావరి వంతెన పై భారీస్థాయిలో జనసేన బ‌ల‌నిరూప‌ణ‌కు ప‌వ‌న్ సంక‌ల్పించిన‌ట్లుంది. అందుకే, ఆ క‌వాతుకు సంబంధించిన ఏర్పాట్లు, జ‌న‌స‌మీక‌ర‌ణ వంటి ఏర్పాట్ల‌ను బ‌న్నీ వాసు ప‌ర్య‌వేక్షిస్తున్న‌ట్లు తెలుస్తోంది. ఉభ‌య గోదావ‌రి జిల్లాల్లో ఆశావ‌హులు, జ‌న‌సేన మ‌ద్ద‌తుదారులు ...ఈ క‌వాతుకు క‌రెన్సీ సాయం చేశార‌ట‌. కాపుల‌కు మంచిప‌ట్టుంద‌ని భావిస్తోన్న ఉభ‌య గోదావ‌రి జిల్లాల్లో ప‌వ‌న్ కు ఈ క‌వాతు కీల‌కం కావ‌డంతో దానిని మెగా ఫ్యామిలీ, అల్లు ఫ్యామిలీ ప్ర‌తిష్టాత్మ‌కంగా తీసుకుంద‌ట‌. ఈ క‌వాతుకే కాకుండా....భ‌విష్య‌త్తులో కూడా జ‌న‌సేన కార్య‌క్ర‌మాల్లో బ‌న్నీవాసు కీల‌క‌మైన పాత్ర పోషించే అవ‌కాశ‌మున్న‌ట్లు తెలుస్తోంది. ఏపీలో ఎన్నిక‌ల ప్ర‌చారంలో కూడా అల్లు, మెగా ఫ్యామిలీల‌కు చెందిన యంగ్ హీరోల‌ను...స్టార్ క్యాంపెయిన‌ర్లుగా రాష్ట్ర‌వ్యాప్తంగా ఉప‌యోగించ‌డంలో బ‌న్నీ వాసు పాత్ర ఉండ‌బోతోంద‌ట‌.