ఒకే ఫ్రేమ్ లో మెగాసిస్ట‌ర్స్ క‌ల‌ర్ ఫుల్ గా..!

పెళ్లిల్లు ఫంక్ష‌న్లు క‌ల‌ర్ ఫుల్ గా ఉండాలంటే న‌ట్టింట ఆడ‌పిల్లల సందడి చాలా అవ‌స‌రం. ఇప్పుడు నిహానిక పెళ్లికి క‌ళ తెచ్చింది ఈ అంశ‌మే. ఈ వెడ్డింగ్ లో మెగా సిస్ట‌ర్స్ సంద‌డి చూస్తుంటే ప్ర‌తి ఫోటో ఫ్రేమూ వ‌ర్ణ‌రంజితంగా మారుతోంద‌ని మెగాభిమానులు కితాబిచ్చేస్తున్నారు. మ‌రో మూడు రోజుల్లోనే నిహారిక పెళ్లి. ఈనెల 9న రాజ‌స్థాన్ ఉద‌య్ పూర్ లో ఉద‌య్ ప్యాలెస్ లో అత్యంత వైభ‌వంగా జ‌ర‌గ‌నుంది. నిహారిక‌- చైత‌న్య జంట పెళ్లికి దేవ‌త‌లు దీవెన‌లు అందిస్తుండ‌గా.. ఈ పెళ్లికి చిరంజీవి-నాగ‌బాబు- ప‌వ‌న్ క‌ల్యాణ్ స‌హా ఇండ‌స్ట్రీ నుంచి ప్ర‌ముఖ‌లు అటెండ్ కానున్నార‌ని తెలుస్తోంది.

ఇప్ప‌టికే మెగా బ్ర‌ద‌ర్ నాగ‌బాబు ఇంట పెళ్లి సంద‌డి పీక్స్ కి చేరుకుంది. ప్రీవెడ్డింగ్ సంబ‌రాల్లో భాగంగా నిహారిక స్నేహితులు అలానే క‌జిన్స్ .. సిస్ట‌ర్స్ హంగామా మామూలుగా లేదు. ముఖ్కంగా నిహారిక అక్క‌జెల్లెళ్ల హ‌చ్ చ‌ల్ పై నెటిజ‌నుల్లో ఆస‌క్తిక‌ర చ‌ర్చ సాగుతోంది. నిన్నంతా నిహారిక‌ను పెళ్లికూతురిని చేస్తున్న‌ప్ప‌టి ఫోటోలు ఇంట‌ర్నెట్ లో వైర‌ల్ అయ్యాయి.

ఒకే ఫ్రేమ్ లో నిహారిక‌తో పాటు చిరంజీవి పెద్ద కుమార్తె సుస్మిత.. చిన్న కుమార్తె శ్రీజ.. ఇత‌ర క‌జిన్స్ క‌నిపించేస‌రికి ఆ ఫ్రేమ్ క‌ల‌ర్ ఫుల్ గా మారిందంటూ అభిమానులు ప్ర‌శంస‌లు కురిపిస్తున్నారు. నిహారిక‌ను పెళ్లి కూతురిగా అలంక‌రించే తంతు అంతా సిస్ట‌ర్స్ ద‌గ్గ‌రుండి న‌డిపించేయ‌డంతో ఆ ఫోటోలు ఇప్ప‌టికే అంత‌ర్జాలంలో రివీల‌య్యాయి. అక్క‌ల‌తో నిహారిక ఎంతో సంద‌డి చేస్తోంది. వారితో సెల్ఫీలు .. ఫోటో సెష‌న్ల‌తో ఇల్లు సంద‌డిగా మారింది. ఇక సాయంత్రాల పార్టీల‌కు అయితే హ‌ద్దు అన్న‌దే లేదు. ఇక అక్క‌య్య‌ల పిల్ల‌లు చేసే అల్ల‌రి మామూలుగా లేద‌ట‌. అక్క శ్రీజ కురిపించిన ప్రేమకు లవ్యూ స్వీటక్కా! అంటూ సోష‌ల్ మీడియాలో వ్యాఖ్య‌ను జోడించింది నిహారిక. ప్రస్తుతం మెగా అక్క‌జెల్లెళ్లు ఒకే ఫ్రేమ్‌లో ఉన్న ఫోటోలు అంత‌ర్జాలాన్ని షేక్ చేస్తున్నాయి.