'మెగాఫ్యాన్స్' రాంచరణ్ డబుల్ ట్రీట్..!

సినిమాలపరంగా ఫేవరేట్ హీరోల బర్త్ డే వేడుకలను ఫ్యాన్స్ ఏ రేంజిలో సెలెబ్రేట్ చేస్తారో తెలిసిందే. ఎన్నాళ్ళుగానో అభిమానులు ఆనందంగా వేడుకలు జరపడం చూస్తూనే ఉన్నాం. తాజాగా మెగాపవర్ స్టార్ రాంచరణ్ పుట్టినరోజును ఘనంగా సెలెబ్రేట్ చేసేందుకు రాంచరణ్ ఫ్యాన్స్ అలాగే రాంచరణ్ యువశక్తి బ్యాచ్ రెడీ అయ్యారు. సాదాసీదాగా కాకుండా హైదరాబాద్ శిల్పకళా వేదికలో మార్చ్ 26న జరుపనున్నట్లు తెలుస్తుంది. ఈ వేడుకకు రాంచరణ్ తో పాటు పలువురు మెగాఫ్యామిలీ వారు, ఆచార్య, ఆర్ఆర్ఆర్ సినిమాల బృందాలు కూడా హాజరయ్యే అవకాశం ఉన్నట్లు టాక్. ఇప్పటికే రాంచరణ్ ఫ్యాన్స్ పుట్టినరోజు ఏర్పాట్లు మొదలు పెట్టేసారు. నిజానికి మార్చ్ 27న చరణ్ పుట్టినరోజు.

అయితే ఓరోజు ముందుగా 26న ఫ్యాన్స్ సెలెబ్రేట్ చేస్తున్నారు. ఈ పుట్టినరోజుతో రాంచరణ్ ముప్పై ఆరవ యేట అడుగు పెట్టనున్నాడు. ఇదిలా ఉండగా.. తాజాగా మరో వార్త వైరల్ అవుతుంది. ఆర్ఆర్ఆర్ బృందం రాంచరణ్ నటించిన అల్లూరి సీతారామరాజు ఫస్ట్ లుక్ విడుదల చేయనుండగా.. మరోవైపు ఆచార్య బృందం కూడా రాంచరణ్ సిద్ధ పాత్ర ఫస్ట్ లుక్ రిలీజ్ చేసే ఆలోచనలో ఉన్నట్లు సమాచారం. మరి ఇదేగనక నిజమైతే ఒక్కరోజుతో ఫ్యాన్స్ కు డబుల్ ట్రీట్ ఉంటుందని చెప్పవచ్చు. ఇప్పటికే రాంచరణ్ సినిమాలపై అంచనాలు ఓ రేంజిలో నెలకొన్నాయి. ఈ ఏడాది అక్టోబర్ నెలలో ఆర్ఆర్ఆర్ సినిమాతో రాంచరణ్ పాన్ ఇండియా హీరోగా పరిచయం కాబోతున్నాడు. ఇప్పుడు పుట్టినరోజున రెండు సినిమాల నుండి ఫస్ట్ లుక్ పోస్టర్స్ వస్తుండటం మెగా అభిమానులకు భారీ ట్రీట్ అనే చెప్పాలి. చూడాలి మరి మేకర్స్ అన్నట్లుగా రిలీజ్ చేస్తారేమో!