శ్రీకారం పై హైప్ పెంచేసిన మెగాస్టార్, కేటిఆర్!

యువహీరో శర్వానంద్ కథానాయకుడిగా తెరకెక్కిన లేటెస్ట్ మూవీ శ్రీకారం. గతేడాది వేసవిలో విడుదల కావాల్సిన ఈ సినిమా కరోనా కారణంగా ఇప్పటికి వాయిదాపడింది. నిజానికి అప్పుడే రిలీజ్ చేయాలనీ చూసారు కానీ ప్యాండమిక్ వలన తప్పక పోస్టుపోన్ చేశారు. అయితే మార్చ్ 11న శ్రీకారం సినిమా థియేట్రికల్ రిలీజ్ అవుతోంది. ఈ సందర్బంగా చిత్రబృందం మెగాస్టార్ చిరంజీవి, తెలంగాణ ఐటీశాఖమంత్రి కేటిఆర్ గారికి ధన్యవాదాలు తెలిపారు. ఎందుకంటే ఈ సినిమా బృందం ఇటీవలే ఖమ్మం జిల్లాలో ప్రీ-రిలీజ్ ఈవెంట్ జరిపారు. ఈ వేడుకలకు మెగాస్టార్, అలాగే కేటీఆర్ హాజరై సినిమాకు మద్దతుగా నిలిచారు. ఎందుకంటే ఈ సినిమా ప్రస్తుతం వ్యవసాయ పరిస్థితుల పై తెరకెక్కించారు మేకర్స్.

ఈ సినిమాతో కిషోర్ రెడ్డి అనే నూతన దర్శకుడు ఇండస్ట్రీకి పరిచయం అవుతున్నాడు. శివరాత్రికి ఎక్కువ సమయం లేదు. అలాగే తమ సినిమా విడుదలకు కూడా పెద్దగా సమయం లేదని శ్రీకారం బృందం ధన్యవాదాలు తెలుపుకుంది. 14 రీల్స్ ప్లస్ బ్యానర్ పై తెరకెక్కిన ఈ సినిమాపై మేకర్స్ చాలా నమ్మకంగా ఉన్నారు. హీరో శర్వానంద్ ఏకంగా భారీ ఆశలే పెట్టుకున్నాడు. ఎందుకంటే శతమానం భవతి సినిమా తర్వాత శర్వా ఖాతాలో సాలిడ్ హిట్టు పడలేదు. అందుకోసమే ఈ శ్రీకారం పై చాలా నమ్మకంగా ఉన్నట్లు తెలుస్తుంది. ఇప్పటికే సినిమా పాటలు, థియేట్రికల్ ట్రైలర్ సినిమా పై అంచనాలు సెట్ చేసాయి. శర్వానంద్ సరసన ప్రియాంక అరుల్ మోహన్ హీరోయిన్ గా నటించింది. చూడాలి మరి శ్రీకారం సినిమాకు జనాలు ఎలాంటి స్వాగతం పలుకుతారో!