మెగాస్టార్ - సుక్కు.. రౌడీ హీరోకు షాకిచ్చారా?

పూరి జ‌గ‌న్నాథ్ డైరెక్ష‌న్ లో పాన్ ఇండియా మూవీగా 'లైగ‌ర్‌' చిత్రాన్ని చేస్తున్నారు రౌడీ హీరో విజ‌య్ దేవ‌ర‌కొండ‌. ఈ మూవీ చిత్రీక‌ర‌ణ పూర్తి చేసుకుని రిలీజ్ కి రెడీ అయిపోతోంది. ముంబై స్ల‌మ్ ఏరియాలో వుండే చాయ్ వాలా ఎలా బాక్సింగ్ లో వ‌రల్డ్ ఛాంపియ‌న్ గా నిలిచాడు అనే క‌థ‌నంతో ఈ చిత్రాన్ని ద‌ర్శ‌కుడు పూరి జ‌గ‌న్నాథ్ తెర‌కెక్కించారు. భారీ అంచ‌నాల మ‌ధ్య తెర‌కెక్కిన ఈ మూవీ ఆగ‌స్టులో తెలుగుతో పాటు త‌మిళ‌, మ‌ల‌యాళ‌, క‌న్న‌డ‌, హిందీ భాష‌ల్లో విడుద‌ల కాబోతోంది.

ఇదిలా వుంటే ఈ మూవీ తరువాత విజ‌య్ దేవ‌ర‌కొండ మరోసారి పూరిజ‌గన్నాథ్ తో 'జేజీఎమ్‌' (జ‌న‌గ‌ణ‌మ‌న‌) చిత్రాన్ని ఇటీవ‌లే ప్రారంభించారు. దేశ భ‌క్తి ప్ర‌ధానంగా సాగే ఈ చిత్రంలో విజ‌య్ దేవ‌ర‌కొండ ప‌వ‌ర్ ఫుల్ మిల‌ట‌రీ అధికారిగా క‌నిపించ‌బోతున్నారు ఈ మూవీ రెగ్యుల‌ర్ షూటింగ్ ఏప్రిల్ నుంచి ప్రారంభం కానుంది. ఈ మూవీ త‌రువాత అయినా విజ‌య్ దేవ‌ర‌కొండ - సుకుమార్ సినిమా సెట్స్ పైకి వెళుతుంద‌ని అంతా అనుకున్నారు. కానీ అనూహ్యంగా విజ‌య్ దేవ‌ర‌కొండ మ‌రో చిత్రాన్ని లైన్ లో పెట్టారు.

శివ నిర్వాణ డైరెక్ష‌న్ లో మైత్రీ మూవీ మేక‌ర్స్ ఈ మూవీని నిర్మిస్తోంది. బుధ‌వారం ఈ చిత్రాన్ని లాంఛ‌నంగా ప్రారంభించారు. త్వ‌ర‌లో రెగ్యుల‌ర్ షూటింగ్ ని క‌శ్మీర్ లో ప్రారంభించ‌బోతున్నారు. ఇలా బ్యాక్ టు బ్యాక్ సినిమాల‌తో విజ‌య్ దేవ‌ర‌కొండ బిజీగా వుండ‌టంతో సుకుమార్ త‌న ట్రాక్ మార్చిన‌ట్టుగా తెలుస్తోంది. త్వ‌ర‌లో 'పుష్ప 2' ని ప‌ట్టాలెక్కించ‌డానికి రెడీ అవుతున్న సుకుమార్ దీని త‌రువాత విజ‌య్ దేవ‌ర‌కొండ తో కాకుండా మెగాస్టార్ చిరంజీవితో ఓ భారీ సినిమాకు శ్రీ‌కారం చుట్ట‌బోతున్నార‌ని వార్త‌లు వినిపిస్తున్నాయి.

ఇది నిజంగా విజ‌య్ దేవ‌ర‌కొండ‌కు షాకే అంటున్నారు. నిజాం ర‌జ‌కార్ల కాలం నాటి క‌థ‌తో విజ‌య్ దేవ‌ర‌కొండ హీరోగా ఓ భారీ పాన్ ఇండియా మూవీని తెర‌పైకి తీసుకురావాల‌ని చాలా కాలంగా ప్లాన్ చేస్తున్నారు సుకుమార్‌. ఫాల్క‌న్ సంస్థ ఈ ప్రాజెక్ట్ ని అత్యంత భారీ స్థాయిలో నిర్మిస్తామ‌ని ప్ర‌క‌టించింది కూడా.

అయితే ఇంత కాలం అవుతున్నా ఈ చిత్రానికి సంబంధించిన అప్ డేట్ ఇంత వ‌ర‌కు మ‌ళ్లీ బ‌య‌టికి రాలేదు. విజ‌య్ దేవ‌ర‌కొండ బ్యాక్ టు బ్యాక్ సినిమాల‌తో బిజీగా వున్నారు. ఆ కార‌ణంగానే సుకుమార్ త‌న దృష్టిని చిరంజీవి వైపు మ‌ళ్లించార‌ని, 'పుష్ప 2' త‌రువాత ఇమ్మీడియ‌ట్ గా సుకుమార్ .. మెగాస్టార్ చిరంజీవితో సినిమా చేయ‌బోతున్నార‌ని ఇన్ సైడ్ టాక్‌.

ఇప్ప‌టికే ఈ చిత్రానికి సంబంధించిన స్క్రిప్ట్ ని కూడా ఫైన‌ల్ చేసేశార‌ని, 'పుష్ప 2' పూర్త‌యి రిలీజ్ అయిన వెంట‌నే మెగాస్టార్ మెగా ప్రాజెక్ట్ ని సుకుమార్ ప‌ట్టాలెక్కిస్తార‌ని చెబుతున్నారు. ఇదే నిజ‌మైతే విజ‌య్ దేవ‌ర‌కొండ తో సుకుమార్ సినిమా వుంటుందా? అన్న‌ది ఇప్ప‌డు చ‌ర్చ‌నీయాంశంగా మారింది. అంతే కాకుండా సుకుమార్ లిస్ట్ తో రామ్ చ‌ర‌ణ్ కూడా వుండ‌టంతో విజ‌య్ దేవ‌ర‌కొండ - సుకుమార్ ప్రాజెక్ట్ పై అనుమానాలు వ్య‌క్త‌మ‌వుతున్నాయి.