మెగాస్టార్ 'భోళా శంక‌ర్‌' ఆ ఓటీటీలోనే!

ప‌దేళ్ల విరామం త‌రువాత మ‌ళ్లీ కెమెరా ముందుకొచ్చిన మెగాస్టార్ చిరంజీవి ఇప్ప‌డు స్పీడు పెంచేశారు. సెకండ్ ఇన్నింగ్స్ తో అద‌ర‌గొట్టేస్తున్నాడు. 'ఖైదీ నెంబ‌ర్ 150'తో రీఎంట్రీ ఇచ్చిన చిరు ఆ త‌రువాత నుంచి బ్యాక్ టు బ్యాక్ సినిమాలు చేస్తూ జోరుగా సినిమాలు చేస్తున్నారు. గ‌త ఏడాది 'ఆచార్య‌'తో డిజాస్ట‌ర్ ని సొంతం చేసుకున్న చిరు ఆ త‌రువాత 'గాడ్ ఫాద‌ర్‌' మూవీతో యావ‌రేజ్ టాక్ ని సొంతం చేసుకోవ‌డంతో అంద‌రి దృష్టి 'వాల్తేరు వీర‌య్య‌'పై ప‌డింది.

సంక్రాంతికి బ్లాక్ బ‌స్ట‌ర్ హిట్ ని సొంతం చేసుకోవాల‌నే ఆలోచ‌న‌లో వున్న చిరు కూడా ఈ మూవీపైనే అంచ‌నాలు పెట్టుకున్నారు. బాబి కొల్లి రూపొందించిన ప‌క్కా మాస్ మ‌స‌లా యాక్ష‌న్ ఎంట‌ర్ టైన‌ర్ గా ఈ మూవీని తెర‌కెక్కించారు. భారీ అంచ‌నాల మ‌ధ్య ఈ శుక్ర‌వారం విడుద‌లైన ఈ మూవీ హిట్ టాక్ ని సొంతం చేసుకుని ఫ్యాన్స్ కి పూన‌కాలు తెప్పిస్తోంది. సినీ ల‌వ‌ర్స్ కి మాత్రం ఎబౌ యావ‌రేజ్ మూవీగా నిలిచింది. చాలా ఏళ్ల త‌రువాత ఈ మూవీలో వింటేజ్ చిరుని ప‌రిచ‌యం చేయ‌డంతో ఫ్యాన్స్ మాత్రం పూన‌కాల‌తో ఊగిపోతున్నారు.

థియేట‌ర్ల‌లో మొద‌టి రోజు మొద‌టి ఆట నుంచే మెగా అభిమానులు నానా హంగామా చేయ‌డం మొద‌లు పెట్టారు. దీంతో 'వాల్తేరు వీర‌య్య‌' రిలీజైన థియేట‌ర్ల వ‌ద్ధ భారీ స్థాయిలో సంద‌డి క‌నిపిస్తోంది. పైగా సంక్రాంతి పండ‌గ కూడా కావ‌డంతో సినిమా కోసం ఫ్యాన్స్ చేస్తున్న హంగామా అంతా ఇంతా కాదు. ఇదిలా వుంటే 'వాల్తేరు వీర‌య్య‌' రిలీజ్ తో సెల‌బ్రేష‌న్స్ మోడ్ లోకి వెళ్లిపోయిన అభిమానులకు తాజాగా ప్ర‌ముఖ ఓటీటీ దిగ్గ‌జం నెట్ ఫ్లిక్స్ గుడ్ న్యూజ్ చెప్పింది.

'వాల్తేరు వీర‌య్య‌' రిలీజై థియేట‌ర్ల లో సంద‌డి చేస్తున్న నేప‌థ్యంలో చిరు న‌టిస్తున్న మ‌రో మూవీ 'భోళా శంక‌ర్‌'పై నెట్టింట చ‌ర్చ మొద‌లైంది. ఈ నేప‌థ్యంలో ఈ మూవీపై ఓటీటీ దిగ్గ‌జం నెట్ ఫ్లిక్స్ సోష‌ల్ మీడియా వేదిక‌గా ఆస‌క్తిక‌ర ట్వీట్ చేసి మెగా అభిమానుల్ని స‌ర్ ప్రైజ్ చేసింది. ఇది మామూలు ఉత్సాహం కాదు. వ‌స్తుంది ఎవ‌రో తెలుసు క‌దా..'భోళా శంక‌ర్‌'. ఏప్రిల్ 14న థియేట‌ర్ల‌లో రిలీజ్ అయిన త‌రువాత తెలుగు, త‌మిళం, మ‌ల‌యాళ‌, క‌న్న‌డ భాష‌ల్లో నెట్ ఫ్లిక్స్ లో రిలీజ్ అవుతుంది' అంటూ ట్వీట్ చేశారు.

దీంతో ఫ్యాన్స్ హ్యాపీగా ఫీల‌వుతూ నెట్ ఫ్లిక్స్ ట్వీట్ ని నెట్టింట వైర‌ల్ చేస్తున్నారు. త‌మిళ హిట్ మూవీ 'వేదాలం' ఆధారంగా సిస్ట‌ర్ సెంటిమెంట్ నేప‌థ్యంలో 'భోళా శంక‌ర్‌' మూవీని రూపొందిస్తున్నారు. మెహ‌ర్ ర‌మేష్ ద‌ర్శ‌క‌త్వం వ‌హిస్తున్న ఈ మూవీలో చిరుకు సోద‌రిగా కీర్తి సురేష్ న‌టిస్తుండ‌గా, హీరోయిన్ గా మిల్కీ బ్యూటీ త‌మ‌న్నా క‌నిపించ‌బోతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.