వాల్తేరు వీరయ్య వీణ స్టెప్‌ వేస్తే....!

మెగాస్టార్‌ చిరంజీవి వాల్తేరు వీరయ్య సినిమా మెగా ఫ్యాన్స్ కు ఫుల్‌ మీల్స్ వంటి ట్రీట్ ను ఇవ్వబోతున్నట్లుగా దర్శకుడు బాబీ పదే పదే చెబుతున్నాడు. ఒక మెగా అభిమాని చిరంజీవి సినిమా అంటే ఏం ఆశిస్తున్నాడో అదే వాల్తేరు వీరయ్య సినిమాలో ఒక మెగా అభిమానిగా బాబీ చూపించాడట.

చిరంజీవి సినిమా అంటే ఆయన హుక్ స్టెప్స్ మరియు ఆయన సూపర్ డాన్స్ అభిమానులకు గుర్తుకు వస్తుంది. వాల్తేరు వీరయ్య సినిమాలో మాస్ ఎలిమెంట్స్ తో ఫ్యాన్స్ కు పిచ్చెక్కి పోతుందట. తాజాగా అందుతున్న సమాచారం ప్రకారం ఈ సినిమాలో ఇంద్ర సినిమాలోని దాయి దాయి దామా పాటలోని వీణ స్టెప్‌ ను రీ క్రియేట్‌ చేశారట.

సినిమాలో వచ్చే కీలక సన్నివేశంలో ఈ వీణ స్టెప్ ఉంటుందని మేకర్స్ లీక్ ఇచ్చారు. ప్యాన్స్‌ ప్రతి ఒక్క షాట్‌ ను.. ప్రతి ఒక్క సన్నివేశాన్ని ఎంజాయ్ చేసే విధంగా.. మాస్ ఫీల్‌ ఉండే విధంగా ప్లాన్ చేసినట్లుగా బాబీ పలు సందర్భాల్లో చెప్పుకొచ్చాడు.

మైత్రి మూవీ మేకర్స్ బ్యానర్‌ లో రూపొందిన ఈ సినిమాలో హీరోయిన్ గా శృతి హాసన్‌ నటించింది. సంక్రాంతి కానుకగా జనవరి 13వ తారీఖున భారీ ఎత్తున తెలుగు రాష్ట్రాలతో పాటు అమెరికా.. ఆస్ట్రేలియా మరియు యూకే లో కూడా విడుదల కాబోతున్న ఈ సినిమా మాస్ జాతర అంటే ఏంటో చూపించబోతుందని మెగా అభిమానులు నమ్ముతున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.