మాజీ హీరోయిన్స్ తో మెగాస్టార్

నిన్న అంగరంగ వైభవంగా జరిగిన వెంకటేష్ కూతురి రిసెప్షన్ కు తారాలోకం మొత్తం తరలి వచ్చింది. వచ్చిన అతిధులను దగ్గుబాటి ఫ్యామిలి ఆదరంగా స్వాగతం పలుకగా ప్రధాన ఆకర్షణల్లో ఒకరుగా మెగాస్టార్ చిరంజీవి నిలవడం విశేషం. ఊరికే అలా స్టిల్ ఇస్తేనే స్టైల్ కి ఐకాన్ లా కనిపించే చిరు తన మాజీ హీరోయిన్ల మధ్య మగధీరుడిలా నవ్వులు చిందిస్తూ ఉంటే కెమెరాకున్న కళ్ళు చాలగలవా. ఈ పిక్ చూస్తే అదే అనిపిస్తోంది కదూ.

ఖుష్బూ-నదియా-రాధికా-సుహాసిని-మీనా-జయసుధ-టబులతో ఆహ్లాదంగా ఉన్న ఈ ఫోటోలో చిరు పక్కన రక్షణ కోసం అన్నట్టుగా సతీమణి సురేఖ ఉండటం మరో విశేషం. చూస్తూనే తన మాజీ బ్యాచ్ తో చిరు చాలా ముచ్చట్లే షేర్ చేసుకున్నట్టు ఉన్నారు. అందరి మొహంలో అదో రకమైన ఆనందం తొణికిసలాడుతోంది

ఇక్కడున్న వాళ్ళలో చిరంజీవి ఒక్క నదియాతో మాత్రమే నటించలేదు. అప్పట్లో అవకాశం వచ్చినా ఏవో కారణాల వల్ల వదులుకోవాల్సి వచ్చిందని నదియా ఆ మధ్య ఓ ఇంటర్వ్యూలో చెప్పింది. టబుతో సినిమా రాలేదు కానీ వర్మ డైరెక్షన్ లో ఆగిపోయిన ఓ ప్రాజెక్ట్ లో రెండు పాటల్లో డాన్స్ చేసింది. అవి చూడాలని ఉంది మూవీలో చూడొచ్చు.

ఇక ఖుష్బూ జంటగా కాదు కానీ స్టాలిన్ లో అక్కయ్య పాత్ర చేశారు. ఇక మిగిలిన వాళ్ళు రాధికా సుహాసినిలతో ఎవర్ గ్రీన్ హిట్స్ ఉన్నాయి చిరుకు. మీనాకు ముఠామేస్త్రి మరపురాని జ్ఞాపకం. జయసుధ మగధీరుడులో హీరోయిన్ గా చేసారు. ఇలా ఒక్క పిక్ లోనే ఇన్నేసి ఫ్లాష్ బ్యాక్ లు ఉన్నాయన్న మాట. ఇప్పుడీ పిక్ సోషల్ మీడియా వేదికగా మెగా ఫాన్స్ మధ్య వైరల్ అయిపోతోంది