మెగాస్టార్ తో సూపర్ స్టార్ : వాటే పిక్

కొన్ని కలయికలు అనుకోకుండా జరిగినా ఆ క్షణాలు అపురూపంగా అద్భుతంగా నిలిచిపోతాయి. పైన మీరు చూస్తున్న పిక్ అలాంటిదే. బాలీవుడ్ సూపర్ స్టార్ అమీర్ ఖాన్ మన మెగాస్టార్ చిరంజీవి ఒకేసారి కలుసుకున్న అరుదైన సందర్భాన్ని అమీర్ ఖాన్ ఇలా ఫోటో రూపంలో బంధించేసి సోషల్ మీడియాలో షేర్ చేశాడు.

సైరా నుంచి చిన్న బ్రేక్ తీసుకుని హాలిడే వెకేషన్ కు వెళ్లిన చిరుకు జపాన్ లోని క్యోటో ఎయిర్ పోర్ట్ లో అనుకోకుండా అమీర్ ఖాన్ కలిశాడు. దీంతో ఇద్దరు కలిసి కాసేపు ముచ్చట్లు చెప్పుకోవడం ఇలా ఫోటోకు స్టిల్ ఇచ్చేయడం చకచకా జరిగిపోయాయి. ఎంతో స్పెషల్ గా అనిపించే ఈ మూమెంట్ ని మెగా ఫ్యాన్స్ అప్పుడే వైరల్ చేసేస్తున్నారు.

అసలు ఆకర్షణ అమీర్ ఖాన్ మెసేజ్ లో ఉంది. నా అభిమాన నటుల్లో ఒకరైన మెగాస్టార్ చిరంజీవి కనపడగానే ఆనందం పట్టలేక ఆయన వెనుక పరుగెత్తి కలుసుకున్నా చాలా ఆనందంగా ఉంది ఆయన చేస్తున్న సైరా తాలూకు విశేషాలు పంచుకుంటూ కాసేపు గడపటం ఎంతో సంతోషాన్ని ఇచ్చిందంటూ చిరు మీద తన ప్రేమను అమీర్ వ్యక్తపరిచిన తీరు ఫ్యాన్స్ మనసులు గెలిచేస్తోంది. స్వతహాగా తానూ ఓ పెద్ద స్టార్ అయినప్పటికీ ఆ ఫీలింగ్ లేకుండా సీనియర్ అయిన చిరంజీవిని గౌరవించిన తీరుకు మెచ్చుకోవలసిందే.

అమీర్ ఖాన్ బాలీవుడ్ లో అడుగుపెట్టే నాటికే చిరు ఇండియాస్ హయ్యెస్ట్ పెయిడ్ హీరోస్ లో ఒకరు. ఆయన ఫాలోయింగ్ గురించి అమీర్ కు తెలియంది కాదు. కాకపోతే ఇప్పటిదాకా ఇలా పబ్లిక్ గా కలుసుకునే ఛాన్స్ దక్కలేదు. ఇప్పుడీ పిక్ చూసాక ఇదే కాంబో వెండితెర మీద కూడా కనిపిస్తే ఎలా ఉంటుందో అన్న ఊహ రావడం ఖాయం. జస్ట్ ఆలోచనకే గూస్ బంప్స్ వస్తున్నాయి కదూ. ఏమో ఇన్నేళ్ల తర్వాత అమితాబ్ తో నటించే అవకాశాన్ని ఏర్పరుచుకున్న చిరు నిజంగా అలాంటి పాత్ర ఇవ్వాలే కానీ అమీర్ మాత్రం కాదంటాడా. కాకపోతే ఈ ఇద్దరికి సరితూగే రచయితలు దర్శకులే కావాలి.