క్యూట్ బ్యూటీ చేతికి మెగా ఆఫర్ వచ్చిందోచ్!

కొందరిని చూస్తే పెట్టబుద్ధవుతుంది.. కొందరిని చూస్తే మొట్టబుద్ధవుతుంది. ఎందుకు అంటే దానికి పెద్దగా లాజిక్కులు ఉండవు. క్యూట్ గా ఉండే బ్యూటీ మేఘా ఆకాష్ ను చూస్తే ఫిలిం మేకర్లకు ఆఫర్ల మీద ఆఫర్లు ఇవ్వబుద్దవుతుంది. ఎందుకని అమాయకంగా అడక్కండి. బ్యూటిఫుల్ గర్ల్ కదా.. అలా ఆఫర్లు ఇవ్వాలనిపిస్తుంది. అంతే.

తెలుగులో రెండు సినిమాలు చేసిన మేఘ.. ఆ తర్వాత తమిళంలో బిజీ అయిపోయింది. రజనీకాంత్ సినిమా 'పేట' కుడా నటించింది. తమిళంలో ఎలాగూ ఆఫర్లు ఉన్నాయి కానీ తెలుగులో తాజాగా మరో ఆఫర్ ను పట్టేసింది ఈ అందాల భామ. పంజా వైష్ణవ్ తేజ్ త్వరలోనే హీరోగా ఎంట్రీ ఇస్తున్నాడు కదా. ఈ కొత్త మెగా హీరో సినిమా ఇప్పుడు సెట్స్ పైన ఉంది. ఈ సినిమాలో వైష్ణవ్ తేజ్ కు జోడీగా మొదట సునీల్ సినిమా '2 కంట్రీస్' ఫేమ్ మనీషా రాజ్ ను తీసుకున్నారు. కానీ తాజా సమాచారం ప్రకారం ఈ సినిమానుండి మనీషా ను తప్పించి మేఘను హీరోయిన్ గా తీసుకున్నారట. సో.. త్వరలో మేఘ తెలుగు ప్రేక్షకులను మరోసారి పలకరిస్తుందన్న మాట.

మేఘ హిందీలో కూడా ఎంట్రీ ఇస్తోంది. సూరజ్ పంచోలి హీరోగా నటించే 'శాటిలైట్ శంకర్' సినిమాలో హీరోయిన్ గా నటిస్తోంది. ఈ సినిమా క్లిక్ అయితే బాలీవుడ్ లో కూడా తన సత్తా చాటుతుందేమో. అయినా ఒకేసారి మూడు భాషలను ఎలా కవర్ చేస్తోందో ఏంటో ఈ సుకుమారి.