ఆ విషయంలో నా సొంత నిర్ణయం

అందం ప్లస్ అభినయం ఉన్న నటిగా తొలి చిత్రంతోనే మంచి పేరు తెచ్చుకుంది మేఘా ఆకాశ్. నితిన్ హీరోగా వచ్చిన ‘లై’ చిత్రంతో టాలీవుడ్ ఎంట్రీ ఇచ్చిన ఈ భామ ఆ తర్వాత సినిమా కూడా నితిన్‌ తోనే చేసింది. ‘బొమ్మొలె ఉన్నదిరో పోరీ’ అనే సాంగ్‌లో తన స్టెప్స్‌తో యూత్‌ను ఆకట్టుకుంది ఈ భామ. ‘ఛల్ మోహన్ రంగ’ చిత్రంలో మేఘ యాక్టింగ్ చాలా బాగుందనే ప్రశంసలు అందుకుంది. ఈ సినిమాను పవర్ స్టార్ పవన్ కల్యాణ్ ప్రొడ్యూస్ చేయగా, మాటల మాంత్రికుడు త్రివిక్రమ్ శ్రీనివాస్ కథ అందించారు.

ఇకపోతే ఆ తర్వాత పలు సినిమాల్లో నటించినప్పటికీ అవి తెలుగు సినిమాలు కాదు. తమిళ్ భాషలోనే పలు సినిమాల్లో యాక్ట్ చేసింది మేఘా ఆకాశ్. కార్తీక్ సుబ్బరాజ్ డైరెక్షన్‌లో తమిళ్ తలైవా, సూపర్ స్టార్ రజనీకాంత్ హీరోగా వచ్చిన ‘పేటా’ చిత్రంలో కీ రోల్ ప్లే చేసింద మేఘా ఆకాశ్. ఈ చిత్రంలో విజయ్ సేతుపతి కూడా కీలక పాత్ర పోషించాడు. ఇక ఈ అమ్మాయి కట్టు, బొట్టు, ముఖం చూస్తే తమిళ్ అమ్మాయిలా ఉండదు. అచ్చం తెలుగమ్మాయి మాదిరిగానే కనబడుతుంది ఈ భామ.

ఈ హీరోయిన్ ‘రాజరాజ చోర’ చిత్రంతో మళ్లీ తెలుగు ప్రేక్షకులను పలకరించబోతున్నది. ఈ నెల 19న ఈ సినిమా విడుదల కాబోతుండగా, మీడియాతో ముచ్చటించింది. ఈ క్రమంలోనే ఇంట్రెస్టింగ్ కామెంట్స్ చేసింది ఈ భామ. తెలుగు తెరపై కనిపించకపోవడానికి కారణం సరైన కథలు దొరకకపోవడమేనని తెలిపింది. తమిళ్‌లో డిఫరెంట్ కాన్సెప్ట్ స్టోరీస్ చాలా వస్తున్నాయని, ఈ నేపథ్యంలోనే ఆయా సినిమాల్లో భాగమవుతున్నానని చెప్పింది. శ్రీవిష్ణు హీరోగా వస్తున్న ‘రాజరాజచోర’మూవీలో సంజన అనే పాత్ర పోషించినట్లు మేఘ తెలిపింది.

అందంతో పాటు నటనకు ప్రాధాన్యత ఉన్న పాత్ర తనది అని చెప్పింది. తన సినిమాల సెలక్షన్ విషయమై ఎవరితోనూ డిస్కస్ చేయబోనని, పేరెంట్స్ నుంచి ఎటువంటి సజెషన్స్ తీసుకోబోనని పేర్కొంది. ఈ చిత్రంతో పాటు తెలుగులో ‘డియర్‌ మేఘ, గుర్తుందా శీతాకాలం,మనుచరిత్ర’ చిత్రాల్లో మేఘా ఆకాశ్ నటిస్తోంది. ఇక తమిళ్‌లో మేఘా ఆకాశ్ ‘అక్టోబర్ థర్టీ ఫస్ట్ లేడీస్ నైట్, యాధుమ్ ఊరె యావరుమ్ కియర్’ చిత్రాల్లో ఫిమేల్ లీడ్ రోల్ ప్లే చేస్తోంది.