శ్రీ‌హ‌రి వార‌సుడు ఆ రేంజ్‌ చూపిస్తాడా?

అబ్బో పోస్ట‌ర్ చూస్తే చాలానే ఉంది! అబ్బాయి ప్ర‌భాస్ రేంజా? ఆ లెవ‌ల్లోనే ఒడ్డు పొడ‌వు ఉన్నాడు. బ్యాక్ ఫీట్ లో డాబు ద‌ర్పం క‌నిపిస్తోంది. ఆ హెయిర్ స్టైల్లోనూ స్పెషాలిటీ ఏదో క‌నిపిస్తోంది. ఇక‌ ఫుల్ క్లారిటీతో ఫ‌స్ట్ లుక్ వ‌స్తే ఎలా ఉంటాడో? .. ఇదీ రియ‌ల్ స్టార్ శ్రీ‌హ‌రి వార‌సుడి ప్రీలుక్ పై జ‌నాల ఫీలింగ్.

అస‌లింత‌కీ రియ‌ల్ స్టార్ కీ.శే. శ్రీ‌హ‌రి వార‌సుడు ఎలా ఉండ‌బోతున్నాడు? త‌ండ్రి అడుగు జాడల్లో అత‌డు కూడా స్వ‌యంకృషితో ఎదిగి పెద్ద స్టార్ అవుతాడా? న‌ట‌వార‌సుల వెల్లువ కొన‌సాగుతున్న ఈ ట్రెండ్ లో అత‌డి స్థానం ఎక్క‌డ‌? డాడ్ మ‌ర‌ణానంత‌రం శ్రీ‌హ‌రి కుటుంబంలో అల‌జ‌డి గురించి అంద‌రికీ తెలిసిందే. మేఘాంశ్ అప్ప‌టికి స్కూల్ కిడ్. అతడి కి ఓ త‌మ్ముడు శ‌శాంక్ కూడా ఉన్నాడు. ఆ ఇద్ద‌రూ వేగంగా ఎదిగేస్తున్నార‌న్న టాక్ ఉంది. తండ్రి అడుగు జాడ‌ల్లో ప‌రిశ్ర‌మ‌లో ప్ర‌వేశిస్తార‌న్న టాక్ కూడా తొలి నుంచి వినిపిస్తోంది.

శ్రీ‌హ‌రి ఆశీస్సుల‌తో మేఘాంశ్ శ్రీ‌హ‌రి క‌థానాయ‌కుడిగా తెర‌కెక్కుతున్న తొలి సినిమా `రాజ్ దూత్`. యువ‌త‌రం మెచ్చే రొమాంటిక్ ఎంట‌ర్ టైనర్ ఇది. షూటింగ్ పూర్తయింది. కార్తీక్- అర్జున్ ద‌ర్శ‌క‌ద్వ‌యం ఈ చిత్రాన్ని తెర‌కెక్కిస్తున్నారు. ఎం.ఎల్‌.వి స‌త్య‌నారాయ‌ణ నిర్మాత‌. ల‌క్ష్య ఫిలింస్ ప‌తాకంపై తెర‌కెక్కుతోంది. ఒక డెబ్యూ హీరోని ఎలాంటి త‌ప్పు చేయ‌కుండా డెబ్యూ డైరెక్ట‌ర్లు లాంచ్ చేస్తున్నారా? డెబ్యూ - డెబ్యూ సింక్ కుదురుతుంది కాబ‌ట్టి శ్రీ‌హ‌రి సుపుత్రుడు మేఘాంశ్ లాంచింగ్ ఘ‌నంగా ఉంటుంద‌ని భావిద్దాం. మేఘాంశ్ టైమ్ స్టార్ట్ అయ్యింది. అత‌డి ప్రీలుక్ ఆక‌ట్టుకుంది. వాస్త‌వంగానే అత‌డు ఛామింగ్ హీరో అని ఇండ‌స్ట్రీలో టాక్ వినిపిస్తోంది. దూసుకొస్తున్న రియ‌ల్ తుఫాన్! అని ప్రూవ్ చేస్తాడా? అన్న‌ది చూడాలి.