'పైసా వసూల్'కు మరో డైరక్టర్??

ఇప్పుడు పూరి జగన్ తీస్తున్న ''పైసా వసూల్'' సినిమాపై అత్యంత షాకింగ్ రూమర్ ఒకటి ఇంటర్నెట్లో చెక్కెర్లు కొడుతోంది. ఈ సినిమాను ప్రస్తుతం పోర్చుగల్ లో నందమూరి బాలకృష్ణ పై తీస్తూ బిజీగా ఉన్నాడు పూరి. అయితే సినిమాను అతి తక్కువ టైములో ఫినిష్‌ చేయడానికి మన దర్శకుడు ఒక ప్రత్యామ్నాయ మార్గం ఎన్నుకున్నాడట. అదేంటో తెలుసా?

నిజానికి పూరి ఈ సినిమాలో కేవలం బాలయ్య ఇన్వాల్వ్ అయ్యే సీన్లను మాత్రమే తీస్తున్నాడట. మిగతా సీన్లన్నీ సెకండ్ యునిట్ డైరక్టర్ కు అప్పగించాడట. తన దగ్గర గతంలో అసోసియేట్ గా పనిచేసి.. ఆ తరువాత సొంతంగా సినిమాలు డైరక్ట్ చేసి.. ఆ దెబ్బతో టాలీవుడ్ కు షాకిచ్చిన డైరక్టర్ మెహర్ రమేష్‌ ఉన్నాడే.. అతగాడే ఈ సీన్లను తీస్తున్నాడట. ప్రస్తుతం ఇతగాడి చేతిలో సినిమాలేవీ లేవు కాబట్టి.. ఇప్పుడు పూరి జగన్ తన సినిమాల్లో స్టయిలిష్‌ విలన్ల షాట్స్ అన్నీ తీసేపని మెహర్ కు అప్పజెప్పాడని టాక్. ఇది ఎంతవరకు నిజమో తెలియదు.

ఆ మధ్యన మెహర్ రమేష్‌ ఒక రియల్ ఎస్టేట్ కంపెనీ యాడ్ తీశాడులే. ఆ చొరవతో మనోడు సదరు యాడ్ లో లీడ్ గా నటించిన మహేష్‌ బాబుకు ఒక కథ చెప్పాడని అన్నారు. అదెంతవరకు వచ్చిందో తెలియదు కాని.. ఇప్పుడు మాత్రం ఇలా ''పైసా వసూల్'' సినిమాకు గోస్ట్ డైరక్టర్ గా చేస్తున్నాడని అంటున్నారు. ఏదేమైనా కూడా శక్తి షాడో వంటి డిజాష్టర్ల తరువాత మెహర్ కు టైమ్ కలసిరావట్లేదు.

Like Us on Facebook : https://www.facebook.com/Tupakidotcom/