ఈ విషయంలో మెహర్ ఘటికుడే

దర్శకుడిగా మెహర్ రమేష్ కెరీర్ బాగానే ఆరంభం అయింది. తెలుగులో డిజాస్టర్ గా నిలిచిన ఆంధ్రావాలాను వీర కన్నడిగ పేరుతోను.. ఒక్కడు మూవీని అజయ్ గాను రీమేక్ చేసి.. కన్నడలో బ్లాక్ బస్టర్స్ కొట్టేశాడు. ఆ తర్వాత ఈ దర్శకుడు తెలుగులో నాలుగు సినిమాలు తీస్తే.. అన్నీ ఫ్లాపులే. ఎన్టీఆర్ కు కంత్రి.. శక్తి.. ప్రభాస్ కు బిల్లా.. వెంకటేష్ కు షాడో వంటి మహా ఫ్లాపులు అందించడంతో మళ్లీ అవకాశాలు చిక్కలేదు.

అయితే.. మెహర్ రమేష్ మాత్రం ఇప్పటికీ లైమ్ లైట్ లోనే ఉంటాడు. మహేష్ బాబుతో తరచుగా మీటింగ్స్.. యాడ్ షూటింగ్స్.. రీసెంట్ గా వివి వినాయక్ కు సన్నిహితంగా మెలగడం వంటి వాటితో ఎప్పటికప్పుడు న్యూస్ లోనే ఉంటాడు మెహర్ రమేష్. చేతిలో సినిమాలు లేకపోయినా ఈ దర్శకుడు తన రేంజ్ నిలబెట్టుకుంటున్న తీరు.. కాంటాక్ట్స్ మెయింటెయిన్ చేసే పద్ధతి మాత్రం అందరినీ ఆశ్చర్యానికి గురి చేస్తూ ఉంటుంది. మెహర్ రమేష్ తాజాగా పోస్ట్ చేసిన ఫోటో ఒకటి.. సోషల్ మీడియాలో సంచలనం అయింది. బాలీవుడ్ హీరో రణవీర్ సింగ్ తో కలిసి దిగిన ఫోటోను నెట్ లో పోస్ట్ చేశాడు మెహర్ రమేష్.

ఈ టాలీవుడ్ ఫ్లాప్ డైరెక్టర్ కి.. బాలీవుడ్ టాప్ స్టార్ ఎలా పరిచయం అనే విషయం మాత్రం సస్సెన్స్ అయిపోయింది. పద్మావత్ స్పెషల్ స్క్రీనింగ్ తర్వాత దిగిన పోటో ఇది. తనకు గల కాంటాక్ట్స్ ను బేస్ చేసుకుని.. మళ్లీ ఈ దర్శకుడు ఓ బడా మూవీ అనౌన్స్ చేసేసినా ఆశ్చర్యపోవాల్సిన పని లేదు.