బాలయ్య సినిమాకు అడగలేదా? అడిగినా నో అందా?

ఈమద్య సీనియర్ హీరోల సినిమాలు అంటే హీరోయిన్స్‌ సమస్య ఎదురవుతోంది. దర్శకులు మన సీనియర్‌ స్టార్‌ హీరోల కోసం పవర్‌ ఫుల్‌ కథలను సీన్స్ ను అద్బుతమైన యాక్షన్‌ సన్నివేశాలను రాసుకుంటున్నారు కాని హీరోయిన్‌ విషయానికి వచ్చేప్పటికి వారికి తల పోటు మొదలు అవుతుంది. కొందరు సీనియర్‌ హీరోలకు మాత్రం హీరోయిన్ విషయంలో ఇబ్బందులు ఎదురవుతున్నాయి. కొత్త వారు మరీ యంగ్‌ అవుతుంటే సీనియర్‌ హీరోయిన్స్‌ రకరకాల కారణాల వల్ల నటించలేమంటున్నారు. బాలకృష్ణ ప్రతి సినిమాకు కూడా ఈ సమస్య వస్తుందని వార్తల్లో వింటూనే ఉన్నాం చూస్తూనే ఉన్నాం.

ప్రస్తుతం ఆయన చేస్తున్న అఖండ సినిమా కోసం ఎంతో మంది హీరోయిన్స్‌ ను సంప్రదించిన తర్వాత చివరకు ఫేడ్‌ ఔట్‌ హీరోయిన్‌ ప్రజ్ఞా జైస్వాల్‌ ను తీసుకున్నారు. మరో హీరోయిన్‌ గా పూర్ణ ను ఎంపిక చేయడం జరిగింది. అఖండ సినిమా తర్వాత బాలయ్య చేస్తున్న సినిమా కు కూడా హీరోయిన్‌ సమస్య మొదలయ్యింది. గోపీచంద్‌ మలినేని దర్శకత్వంలో రూపొందబోతున్న ఆ సినిమా కోసం హీరోయిన్‌ గా శృతి హాసన్‌ ను సంప్రదించారనే వార్తలు వచ్చాయి. ఆమె నుండి స్పందన వచ్చినట్లుగా లేదు. దాంతో మళ్లీ ఇతర హీరోయిన్స్ తో సంప్రదింపులు మొదలు పెట్టగా చివరకు మెహ్రీన్‌ వద్దకు వచ్చి ఆగారు అనే వార్తలు మొదలు అయ్యాయి.

బాలయ్యకు జోడీగా మెహ్రీన్ అంటూ వస్తున్న వార్తలపై స్పష్టత వచ్చింది. తాను బాలకృష్ణ సినిమాలో నటించడం లేదని ఆమె క్లారిటీ ఇచ్చింది. ప్రస్తుతం తాను మారుతి దర్శకత్వంలో రూపొందుతున్న సినిమా లో మాత్రమే చేస్తున్నట్లుగా చెప్పింది. ఆ సినిమా కాకుండా మరే సినిమాకు ఇంకా కమిట్‌ అవ్వలేదు అంది. నేను చెప్పే వరకు మీడియాలో వచ్చిన పుకార్లను నమ్మవద్దంటూ చెప్పుకొచ్చింది. ఇంతకు బాలకృష్ణ సినిమా కోసం ఈమెను సంప్రదించారా లేదా అనేది స్పష్టత రావాల్సి ఉంది. సంప్రదించగా నో చెప్పిందా.. లేదా అసలు దర్శకుడు గోపీచంద్‌ ఈమెను అస్సలు సంప్రదించలేదా అంటూ నెటిజన్స్‌ గుసగుసలాడుకుంటున్నారు. మొత్తానికి బాలయ్య.. గోపీచంద్ మూవీలో మెహ్రీన్ నటించడం లేదనేది క్లారిటీ.