మెహ‌రీన్ తో చాకులాంటి బోయ్ ఎవ‌రై ఉంటారు?

పంజాబీ బ్యూటీ మోహ‌రీన్ పిర్జాదా లైఫ్ జ‌ర్నీ గురించి తెలిసిందే. ఇటీవ‌లే రాజ‌కీయ కుటుంబానికి చెందిన కుర్రాడిని పెళ్లాడేందుకు ప్ర‌య‌త్నించింది. కానీ నిశ్చితార్థం త‌ర్వాత అది బ్రేక‌ప్ అయ్యింది. అటుపై తిరిగి టాలీవుడ్ కి బౌన్స్ బ్యాక్ అయ్యి ఎఫ్ 3 చిత్రీక‌ర‌ణ‌లో బిజీ అయిన సంగ‌తి తెలిసిందే.

ఇప్పుడు స‌డెన్ గా మ‌రో కొత్త కుర్రాడితో ఇలా ప్ర‌త్య‌క్ష‌మైంది. ఇంత‌కీ ఎవరీ చాకు లాంటి కుర్రాడు? మెహ్రీన్ అంత క్లోజ్ గా ఉంది? అంటూ కామెంట్లు వినిపిస్తున్నాయి. అయితే అత‌డు త‌న ఫ్రెండ్ అని మెహ్రీన్ డౌట్ క్లియ‌ర్ చేసింది. త‌న స్నేహితుడి బ‌ర్త్ డే వేడుక‌ను ఎంతో అందంగా సెల‌బ్రేట్ చేసుకుంది మెహ్రీన్. త‌న‌తో పాటు అర‌డ‌జ‌ను మంది స్నేహితులు ఈ ఈవెంట్లో ఒక‌రితో ఒక‌రు స‌న్నిహితంగా మెలిగారు. ప్ర‌స్తుతం ఈ ఫోటోల బంచ్ వైర‌ల్ గా మారింది. గుస్సీ బ్రాండ్ డిజైన‌ర్ స్పోర్ట్స్ డ్రెస్ లో స్పెష‌ల్ గా ఉన్న ఆ స్నేహితుడు ఎవ‌రో కానీ మెహ్రీన్ కి స‌రిజోడులా ఉన్నాడంటూ కామెంట్లు ప‌డిపోతున్నాయ్. ఆచీస్ 30 స్ పేరుతో బ‌ర్త్ డే వేడుక‌ల ఫోటోల్ని మెహ్రీన్ షేర్ చేసింది.

ఇక మెహ్రీన్ డే బై డే మ‌రింత షైన్ అయ్యేందుకు ప్ర‌య‌త్నిస్తోంది. కెరీర్ ఆరంభంలో అమ్మ‌డు క్యూట్ లుక్ తో ఆక‌ట్టుకున్నా కొన్ని సినిమాల త‌ర్వాత బొద్దుగా మారింది. ఆ బొద్దుత‌నం కాల‌క్ర‌మేణా స‌మ‌స్య‌గా మారింది. బిజీ లైఫ్ వ‌ల్ల రూపంపై మెహ‌రీన్ శ్ర‌ద్ద చూప‌లేదు. దీంతో అమ్మ‌డి ఫాలోవ‌ర్స్ చ‌బ్బీ లుక్ పై కామెంట్ల‌తో దాడి చేసారు. దీంతో మెహ‌రీన్ ఫిట్ నెస్ పై దృష్టి పెట్టింది. అప్ప‌టి నుంచి శ‌రీర సౌష్టవంలో భారీ మార్పులే తీసుకొచ్చింది. మ‌ళ్లీ అమ్మడు మున‌పటి అందంతో త‌ళుక్కున మెరుస్తోంది. దీంతో అమ్మ‌డు రెట్టించిన ఉత్సాహంతో ఫోటో సెష‌న్స్ లోనూ యాక్టివ్ గా పాల్గొంటుంది. మ‌రోవైపు కెరీర్ ని అశ్ర‌ద్ధ చేయ‌లేదు ఈ బ్యూటీ.

ఇక మెహ‌రీన్ సినిమాల విష‌యానికి వ‌స్తే .. ఇటీవ‌లే యువ హీరో సంతోష్ శోభ‌న్ స‌ర‌స‌న మంచి `రోజులొచ్చాయి` సినిమాతో మ‌రో స‌క్సెస్ ని ఖాతాలో వేసుకుంది. ప‌రిమిత బ‌డ్జెట్ లో తెర‌కెక్కిన సినిమా మంచి లాభాల్ని తీసుకొచ్చింది. దీంతో మెహ‌రీన్ మీడియం హీరోల‌కు ప‌ర్పెక్ట్ సెంటిమెంట్ హీరోయిన్ గాను మారిపోయింది. అలాగే `ఎఫ్ -2` కి సీక్వెల్ గా తెర‌కెక్కుతోన్న `ఎఫ్ 3` లోనూ మెహ‌రీన్ న‌టిస్తోంది. అనీల్ రావిపూడి ద‌ర్శ‌క‌త్వం వ‌హిస్తోన్న ఈ సినిమాలో అమ్మ‌డు మ‌ళ్లీ హ‌నీగా ఆక‌ట్టుకోవ‌డం ఖాయ‌మే.