మెహ్రీన్ పెళ్లి వేడుక‌లు మొద‌లైన‌ట్టే ఇక‌

టాలీవుడ్ అందాల క‌థానాయిక మెహ్రీన్ కౌర్ హ‌రియాణా మాజీ ముఖ్య‌మంత్రి మ‌న‌వ‌డు .. కాంగ్రెస్ నాయ‌కుడు భ‌వ్య బిష్ణోయ్ ని పెళ్లాడుతున్న సంగ‌తి తెలిసిందే. మార్చి 12న జైపూర్ లోని ఆలియా ఫోర్ట్ లో ఈ జంట నిశ్చితార్థం జ‌రిగింది.

నిశ్చితార్థం అనంత‌రం ఈ జోడీ ఫోటోషూట్ నుంచి కొన్ని ఫోటోలు అంత‌ర్జాలంలో వైర‌ల్ అయ్యాయి. తాజాగా మ‌రో ఎక్స్ క్లూజివ్ ఫోటో అభిమానుల్లో వైర‌ల్ గా మారింది. ఈ ఫోటోలో మెహ్రీన్ భ‌వ్య‌ ట్రెడిష‌న‌ల్ వేర్ లో ఎంతో బ్యూటిఫుల్ గా క‌నిపిస్తోంది. జైపూర్ లోని ఆలియా ఫోర్ట్ ముందు ఒక రాక్ పై పెళ్లికొడుకుతో పాటు మెహ్రీన్ ఫోటోషూట్ లో పాల్గొంది. పెళ్లి కుమారుడు బిష్ణోయ్ సాంప్ర‌దాయ ప‌ట్టు వ‌స్త్రాల్లో క‌నిపించారు.

ఓవైపు ఎఫ్ 3 చిత్రీక‌ర‌ణకు బ్రేక్ ఇచ్చిన మెహ్రీన్ త‌దుప‌రి అనీల్ రావిపూడి పిలుపునందుకుని షూట్ లో జాయిన్ కావాల్సి ఉంటుంది. ఈలోగానే నిశ్చితార్థం స‌హా పెళ్లి వేడుక కూడా పూర్త‌వుతుంద‌ని తెలుస్తోంది. `అవ‌ర్ ఫెయిరీ టేల్ బిగిన్స్..` అన్న క్యాప్ష‌న్ తో పెళ్లి వేడుక‌లు మొద‌ల‌య్యాయ‌ని మెహ్రీన్ వెల్ల‌డించారు.