ఎందుక‌మ్మా ఇన్ని వేషాలు మెహ్రీన్‌

కృష్ణ‌గాడి వీర ప్రేమ‌గాధ సినిమాతో కుర్ర‌కారు క‌ల‌ల రాణిగా మారింది మెహ్రీన్‌. 'కృష్ణగాడి వీర ప్రేమ గాథ' .. 'మహానుభావుడు' .. 'రాజా ది గ్రేట్' తో ఆమె హ్యాట్రిక్ హిట్ ను తన ఖాతాలో వేసుకుంది. ఆ త‌రువాత జ‌వాన్ సినిమాతో మెగా కాంపౌండ్‌లోని అడుగుపెట్టింది. సాయి ధ‌ర‌మ్ తేజ్‌తో అందులో ఆడిపాడింది. ఎందుకోగాని స్పెష‌ల్ ఫోటోషూట్‌ల‌తో కుమ్మేస్తోంది.

టాలీవుడ్ లోని అందమైన హీరోయిన్ల‌లో మెహ్రీన్ కూడా ఒక‌రు. అందుకే క‌దా ఆఫ‌ర్లు కూడా వ‌రుస‌పెట్టి వ‌స్తున్నాయి. మొన్న సాయిధ‌ర‌మ్‌తో ఆడి పాడిన మెహ్రీన్‌... త్వ‌ర‌లో వ‌రుణ్ తేజ్ ప‌క్క‌న కూడా క‌నిపించే అవ‌కాశం ఉంది. అనిల్ రావిపూడి దర్శకత్వంలో వెంకటేష్ - వరుణ్ తేజ్ హీరోలుగా తెరకెక్కబోతున్న మల్టీస్టారర్‌ లో ఒక హీరోయిన్‌గా మెహ్రీన్ ఎంపికైనట్లు తెలుస్తుంది. అలాగే ప్ర‌స్తుతం గోపీచంద్‌ తో పంతం సినిమాలోనూ న‌టిస్తోంది అమ్మ‌డు.

చేతినిండా సినిమాల కోస‌మేమో... పోటో షూట్‌ ల‌తో హోరెత్తిస్తోంది. ఆ ఫోటోల‌ను మీడియాకు కూడా చేరేలా చేస్తోంది. చూడండీ ఈ లేటెస్ట్ ఫోటోల్లో ఎంత క్యూట్‌గా ఉందో మెహ్రీన్‌.