హిట్ లేకపోయినా గట్టిగానే అడుగుతోంది

నటన పెద్దగా రాకపోయినా సొట్టబుగ్గలు.. క్యూట్ స్మయిల్ తో మాయ చేస్తూ టాలీవుడ్ లో ఆఫర్లు దక్కించుకుంటోంది నార్త్ బ్యూటీ మెహ్రీన్ పిర్జాదా. కృష్ణగాడి వీర ప్రేమగాథ సినిమాతో ఈ సుందరి టాలీవుడ్ లోకి అడుగు పెట్టిన బ్యూటీ. మహానుభావుడు తరవాత ఈ భామ హీరోయిన్ గా నటించిన నాలుగైదు సినిమాలు వచ్చినా వాటిలో హిట్లు పెద్దగా లేకపోవడంతో స్టార్ హీరోయిన్ అనే గుర్తింపు ఇంకా దూరంగానే ఉండిపోయింది.

హిట్లు లేకపోయినా మెహ్రీన్ ఖాతాలో సినిమాలు బాగానే పడుతున్నాయి. వరసగా ఆఫర్లు వస్తుండటంతో అమ్మడు రెమ్యునరేషన్ అమాంతం పెంచేసిందని టాక్. నిన్న.. మొన్నటిదాకా అరకోటికి అటూ ఇటూగా అడిగిన ఈ బ్యూటీ ఉన్నట్టుండి రూ. కోటికి కాస్త దగ్గరగా అడుగుతోందని టాలీవుడ్ లేటెస్ట్ టాక్. సొంత ప్రొడక్షన్ లో ఛలో సినిమాతో హిట్ కొట్టిన యంగ్ హీరో నాగశౌర్య తన తరవాత సినిమాకు మెహ్రీన్ ను తీసుకుందామని ప్రయత్నించినా ఆమె చెప్పిన రేట్ విని కళ్లు బైర్లు కమ్మడంతో కొత్త హీరోయిన్ అయితే బెటరని బైబై చెప్పేశాడట.

ప్రస్తుతం మెహ్రీన్ గోపీచంద్ హీరోగా నటిస్తున్న పంతం.. విజయ్ దేవరకొండ హీరోగా చేస్తున్న నోటా సినిమాల్లో కథానాయికగా నటిస్తోంది. కెరీర్ లో బ్లాక్ బస్టర్ హిట్లింకా చూడలేదు.. చేతిలో క్రేజీ ప్రాజెక్టులేమీ లేకపోయినా స్టార్ హీరోయిన్ల రేంజిలో రెమ్యునరేషన్ కోరుకోవడం మరీ అత్యాశే అవుతోందేమో. ముందుముందు అయినా మెహ్రీన్ మెట్టు దిగుతుందా చూడాలి.